پاکستان  ءِ ڈائمنڈ جوبلی مراگش ءِ  ھوالگ ءَ ٹریل 5  ءِ سر ءَ بنجاھی وزارت برائے  ماحولیاتی  مٹ ءُ بدلی  ءِ نیمگ ءَ  سپائی  ءِ  گامگیج،   دلوت ءُ ساہ دار آنی  رکھینگ ءِ واستہ  چاگرد ءَ را  وتی  پازیٹیو   کرد پیلو کنگ لوٹ ائیت، بنجاھی وزیر   شیریں  رحمان

اسلام آباد۔13اگست  (اے پی پی): بنجاھی وزیر   برائے ایٹماسپیئر  ءِ مٹ ءُ بدلی سینیٹر ڈاکٹر  شیریں رحمانءَ گوشت کہ   دلوت ءُ  ساہ دار آنی رکھینگ  ءِ واستہ  چاگرد  ءَ را  وتی  پازیٹیو کرد پیلو کنگ  لوٹ ائیت، میاں اوستمانی  ایٹماسپیئر    ءِ مٹ ءُ  بدلی  ءَ چہ  پاکستان   ءَ ھوار سرجمیں  دگنیا ءِ ایندگر  ملک  یک شلی ءَ  آماچ بوھگ ء۔ انت، اسلام آباد  دگنیا ءِ ایوکیں دارالحکومت  انت   ایش ٹوھیں  نیشنل پارک ءِ   سک باز نزیک انت،  نیشنل پارک  ءَ   دلوت ءُ ساھ دار  آنی رکھینگ  بوھگ ءَ انت،   ادا سدانی سال  کوھنیں درچک ھم است انت،  گوستگیں سیزن ءِ  ساھت ءَ نینل پارک ءِ انتظامیہ  ءَ آس لگگ ءِ  واکیہ  ءَ را گر ءُ دار ءِ  ھوالگ ءَ  جوانیں   کرد ءِ پیلو کتگ۔  پاکستان ءِ ڈائمنڈ  جوبلی ءِ مراگش ءِ ھوالگ ءَ  شمبے ءِ روچ ءَ اسلام آباد  ءَ  استیں   ٹریل 5  بنجاھی وزارت  برائے  ایٹماسپیئر  ءَ سپائی ءِ کار  آنی بنگیج  کنگ بوتگ ایشی ءِ ھاسیں مہمان  بنجاھی وزیر برائے   ایٹماسپیئر  ءِ رکھینوک سینیٹر ڈاکٹر شیریں رحمان  ات۔