فیصل آباد۔13اگست (اے پی پی):حکومت پنجاب ءَ یوم آزاتی پاکستان ءِ موہ ءَ ونگ ویلنگ ءُ سائلنسر کشگ ءُ موٹر سائیکل چلائینوکیں مردم آنی سرءَ بندش جنگ بوتگ۔ فیصل آباد ءَ ھوار توامیں ڈدویژن آنی ریجنل پولیس آفیسر ، کمشنرر، سٹی پولیس آفیسر، رینج ڈی آئی جیز ءُ ضلع ءِ ڈی سی، ڈی پی او آنی نام ءَ جاڑی کتگیں پنت ءُ شون آنی تہ ءَ گوشگ بوتگ کہ آ پولیس ءُ انتظامی کارندہ آناں پنت ءُ شون بکن ات کہ ڈائمنڈ جوبلی ءَ ون ویلنگ کنوک ءُ سائلنسر کشگ ءُ موٹر سائیکل چلائینوکیں بچک آنی ھلاپ ءَ زوتیں گامگیج کنگ بہ بیت تانکہ اے موہ ءَ مردم جانی تاوان ءَ چہ بہ رکھ انت۔ پنت ءُ شون جاڑی کنگ بوتگ کہ اے رنگیں بچکی کنوکیں ورنا آنی ھلاپ ءَ کیس نبشتہ کنگ ءُ کیز ءَ بند کنگ بہ بیت، تانکہ لس مردم ءِ جان رکھینگ بہ بیت۔
