یات گاری ڈاک ٹکٹ ءِ بندات، پاکستان پوسٹ ءَ ملک ءِ آجاہی، وت واجہی ءُ دیمروئی ءِ تہا وتی کرد دائم ءَ پیلو کتگ، مولانا اسد محمود

اسلام آباد۔12اگست  (اے پی پی): ھال رسانکی ء ُ  پوسٹل سروسز ءِ بنجاہی وزیر مولانا اسد محمود ءَ  گشتگ کہ پاکستان ءِ آجوہی ءِ 75 سال ءِ سرجم بوہگءَ محکمہ ڈاک ءِ نیمگ ءَ چہ یات گاری ڈاک ٹکٹ ءِ بندات  کنگ ءِ مراگش ء َ  ہوار بوہگ   شرپ  ءِ گپ اِنت، پاکستان پوسٹ ءَ ملک ءِ آجوہی، وت واجہ ء ُ دیمروئی ءِ تہ ءَ  دائم وتی کرد پیلو کتگ، مرچیگیں روچ جزم کنگ ءِ روچ اِنت ما وتی دوداں برجاہ داراں ء ُ  صارفین آنی ازمت ءَ کردءَ پیلو کناںِ پاکستان پوسٹ ءَ را جدید ٹیکنالوجی ءَ گوں ہم دپ  بوہگ ءُ ملک ءُ راج ءِ دیمروئی ءِ ھاترءَ بنکی کرد پیلو کنگ لوٹ ایت، سروسز ءِ گہتری ءِ جزم ءِ گوما ادارگ ءَ را  پائدگ مند  جوڑ کناں۔ اے  ھیالانی درشانی آئی ءَ جمعہ ءِ روچءَ  ڈائمنڈ جوبلی ءِ مراگش ءِ ہوالگءَ یات گاری ڈاکٹ ٹکٹ ءِ بندات کنگ ءِ مراگش ءَ گوں تران کنانءَ کتگ۔ اے مراگش پوسٹل سٹاف کالج اسلا م  آباد ءَ بوتگ۔ بنجاہی وزیرءَ گشتگ کہ  ڈا ئیمنڈ جوبلی ءِ موہ ءِ  سرجمیں راج ءَ را مراد بات  پیش کناں ء ُ اے جزم ءِ درشانی ءَ کناں کہ محکمہ ڈاک ملک ءِ معاشی اقتصادی دیمروئی ءَ وتی کردءَ پیلو کنت۔ پاکستان پوسٹ ءِ نیمگ ءَ یاتگاری ڈاک ٹکٹ  بندات کنگ بوہگءَ اِنت کہ اے یک جوانیں گامگیج اِت۔ ایشی ءِ سرءَ محکمہ ڈاک ء ُ ھال رسانکی وزارت ءَ را مراد بات پیش کناں۔