راج انا غٹ تپہ غاتے معذور بندغ آتے قومی دنگ اٹ اوار کننگ کن اواری اٹ کاریم کروئی مریک، ثمینہ علوی

لاہور۔ 12 اگست (اے پی پی) خاتون اول گودی ثمینہ عارف علوی پارینے کہ راج انا غٹ تپہ غاتے معذور بندغ آتے قومی دنگ اٹ اوار کننگ کن اواری اٹ کاریم کروئی مریک۔ داہیت ءِ او ادارہ بحالی معذوراں نا دورہ نا وخت آ پارے۔ ادارہ نا سروک آک ، ایگزیکٹو کمیٹی باسک آک و ہائی اسکول نا طالب علم آک خاتون اول ءِ بخیر کریر۔ صدر مملکت نا اُرائی گودی ثمینہ عارف علوی پی ایس آرڈی ہائی اسکول ، آرتھوپیڈیک ہسپتال، او پی ڈی تون اورا ایلو ڈیپارٹمنٹ آتا دورہ ءِ کرے۔ او معذور بندغ آتا بحالی ٹی ادارہ نا خذمت آتا ستاءِ کرے۔ اوپارے کہ دا ادارہ 1957 آن خصوصی بندغ آتا راجی آسراتی کن کاریم کننگ ءِ دا مشن نا بناء اسہ کمرہ سے آن مسوسس، دلے داسہ دا جسمانی عوارض و ویل آتا ایسری کن غٹ آن جوان ادارہ اس جوڑ مرسا مون آبسنے۔ بیگم ثمینہ علوی پارے کہ راج انا غٹ تپہ غاتے اواری اٹ معذور بندغ آتے قومی دنگ اٹ اوار کننگ کن کاریم کروئی مریک، تانکہ او تینا لائخی تے کاریم اٹ اتسا ملکی شونداری ٹی کڑد ادا کننگ کیر۔