مچ آ ملک اٹی 24 گھنٹہ ٹی کورونا دین انا 624 کیس رپورٹ، 11 بندغ زوال، 142 نا حالیت نازرک

اسلام آباد۔ 12 اگست (اے پی پی) مچ آ ملک اٹی 24 گھنٹہ ٹی کورونا دین انا 624 کیس رپورٹ مس و 11 ناجوڑ زوال کریر۔ جمعہ نادے آ این آئی ایچ نا کنڈآن ٹویٹ اٹی شیئر کروک آ حساب وکتاب نا رداٹ مچ آ ملک اٹی 24 گھنٹہ ٹی 16 ہزار 299 کورونا ٹیسٹ کننگانے ہرافتیان 624 بندغ آتا ٹیسٹ مثبت بسنے۔ ہنداوڑ کورونا ٹیسٹ انا مثبت کچ 3.83 درسد ئسک۔ داکان بیدس داوخت آ کورونا دین آن 11 ناجوڑ زوال کریر وخت اس کہ 142 نا حالیت نازرک ءِ