تحریک انصاف جشن آزادی ءِ پبی وڑاٹ اڈ ایتک، ملک پاکستان نا سالمیت کن ہروڑنا قربانی ایتنہ، پی ٹی آئی نا صوبائی راہشون ملک حمزہ خان ناصر

کوئٹہ ۔ 12 اگست (اے پی پی) پاکستان تحریک انصاف نا صوبائی راہشون ملک حمزہ خان ناصر پارینے کہ پاکستان نا 75 می یوم آزادی ءِ پبی وڑاٹ اڈ ایتنہ ننے دا وخت آ قول کروئی مریک کہ ملک پاکستان نا سالمیت کن ہروڑنا قربانی ایتنہ۔ اوپارے کہ 14 اگست نا دے قول ءِ پوسکنی نا دے ءِ ننے اسہ آجو وطن اسلامی جمہوریہ پاکستان رسینگا ہراکہ اللہ پاک نا نعمت اسے دا ملک انا شونداری بقاو شونہالی کن ہرمکتبہ فکر انا مخلوق کڑد ادا کےبلوچستان نا الس محب وطن ءُ و الس 75 می جشن آزادی ءِ جم وجوش اٹ اڈ ایتک یوم آزادی نا وخت آ مچ آ بلوچستان اٹی پی ٹی آئی نا کنڈآن ریلی کشنگک و ملک اتون مہرومریبت نا درشانی ءِ کننگک۔ اوپارے کہ وطن عزیز پاکستان نا بنداو تیٹی لکھ آ شہید آتا دتر اوار ءِ ملک انا دفاع کن الس پاک فوج اتون ہم کوپہ سلک اگہ دشمن اس پاکستان نا کنڈآ گندہ انگا نظر اٹ ہرا تو پاک فوج اتون اواری اٹ اودے پبی ورندی ایتنہ۔