ملک انا ایلو شارتیانبار ڈیرہ ٹی ہم جشن آزادی ءِ اڈتننگ نا تیاریک بناکرینو

ڈیرہ اسماعیل خان۔ 12 اگست (اے پی پی) ملک انا ایلو شارتیانبار ڈیرہ ٹی ہم جشن آزادی ءِ اڈتننگ نا تیاریک بناکرینو شار انا سرکاری و غیرسرکاری ماڑی تتون اوار نجی شاپنگ سینٹر سیلولر کمپنی، واپاری و کاروباری ہند و اُراتے سوز ہلالی پاکستانی بیرک، جھنڈی تے اٹ بیرفنگ نا چرجوئی ترندی اٹ برجاءِ۔ شار انا چندی ہند آتیا جشن آزادی 14 اگست نا بابت پاکستانی بیرک، جھنڈی، بیج، ٹوپی، ماسک ، ٹی شرٹ، پاکستانی جھنڈا غا پرنٹ رنگ برنگی لویس آتا اسٹال ہم لگانے ہراڑے چنکا مار ومسن ، ورنابزرگ آتون اوار زالبول آک ہم ہلنگ اٹ اختہ نظر بننگ  ءُ وخت اس کہ شار ڈیرہ نا فضا ٹی قومی و ملی نغمہ غاتا توار پِننگ ءِ۔