پاکستان ءُ ترکی ءِنیامءَ  تجارت ءُ سرمایہ کاری  ءَ را ودینگ ءِ  پراھ ءُ شاھیگانیں موہ  است انت،  تجارت  ءِ منوگری    ءَ چہ دوئیں  ملک آنی واستہ نوکیں  کشک پچ بنت،  مزن وزیر  شہباز شریف

اسلام آباد۔12اگست  (اے پی پی): مزن  وزیر شہباز شریف ءَ  گوشت کہ پاکستان ءُ ترکی ءِ نیام ءَ  تجارت  ءُ سرمایہ کاری  ءَ را ودینگ ءِ  پراھ ءُ شاھیگانیں موہ است انت،  سامان آنی تجارت ءِ  منوگری ءَ چہ دوئیں ملک آنی واستہ  نوکیں کشک پچ بنت،  دو نیمگی تجارت  ءِ  دیمروئی  ءِ  واستہ منوگری  ءِ ھوالگ ءَ سرجمیں  رنگ  ءَ پد ءُ  رندی ءَ رادل یکیمی جوڑ کنگ بہ بیت۔   اے ھیالانی درشانی آئی ءَ  آدینگ ءِ روچ ءَ  ادا پاکستان ءُ ترکی ءِ نیام ءَ تجارتی منوگری  ءِ سر ءَ دست چنگل   ءِمراگش ءَ گوں گشتانک دیان ءَ  کت۔   منوگری  آنی ر دءَ  بنجاھی  وزیر  تجارت  سید نوید قمر  ءُ ترکی  ءِ   وزیر ءِ  تجارت مہمت  مشءَ  دست چنگل جت۔  مراگش ءَ بنجاھی وزیر  ھزانگ   مفتاح اسماعیل ، بنجاھی وزیر اھوالکاری  ءُ شنگ کاری مریم اورنگزیب ،بنجاھی وزیر ا یٹماسپیئر  ءِ مٹ ءُ بدلی شیری رحمن ، بنجاھی وزیر  سرمایہ کاری بورڈ چوہدری سالک حسین  ءُ  ٹوھیں سرکاری اپسرگ ھم ساڑی اتنت۔