صدر مملکت   ءِ فاطمہ جناح  انسٹیٹوٹ آف ڈینٹل سائنسز  ءِ تر ءُ تاب  ہسپتال  ءَ جاڑیگیں  جوڑیشتی کار آنی  سر ءَ چار  ءُ تپاسی  گپت

لاہور۔12اگست  (اے پی پی):صدر مملکت عارف علوی  ءَ  آدینگ ءِ روچ  ءَ  فاطمہ جناح انسٹیٹیوٹ  اف ڈینٹل  سائنس  لاہور  ءِ تر ءُ تاب کت   ءُ ہسپتال ءَ جاڑیگیں   جوڑیشتی کار آنی سر ءَ چار ءُ تپاسی گپت۔  اے موہ ء، سر ءَ  سر وزیر  پنجاپ  چوہدری پرویز الہٰی ھم آئی ءِ ھمبراہ ات۔  صوبائی وزیر جان سلامتی ڈاکٹر یاسمین راشد ءُ ہسپتال ءِ پراجیکٹ ڈائریکٹر پروفیسر ڈاکٹر وحید  ءَ صدر مملکت   ءُ  سر وزیر  پنجاپ ءَ را   وش اتک کت۔ ڈاکٹر  یاسمین  راشد ءَ  صدر  مملکت عارف علوی ءُ  سر وزیر  پنجاپ چوہدری  پرویز الہٰی  ءَ را  ہسپتال  ءَ جاڑیگیں  جوڑیشتی کار انی  ھوالگ ءَ بریفنگ  دات۔  آئی ءَ گوشت کہ اے پروجیکٹ  ءِواستہ 100 کنال  ءِ سر ءَ استیں ڈینٹل ہسپتال  ءِ واستہ 2005  ءَ   زمین  بھا زورگ بوتگ۔ پراجیکٹ  ڈائریکٹر  پروفیسر  وحید  ءَ گوشت کہ ہسپتال   ءِ جوڑیشیتی کار آنی بنگیج 2010  ءَ  بوتگ۔  آئی ءَ گوشت کہ   اے وھد ءَ اے پراجیکٹ  ءِ  ھرچ ءُ درچ ءِ کساس 347.358 ملین جنگ بوتگ وھدیکہ  30 جون  2022  ءَ تاں  اے منصوبگ  ءِ سر ءَ   673.390ملین ھرچ کنگ بوتگ۔  پروفیسر ڈاسکٹر وحید  ءَ گوشت کہ تھری ڈی ہسپتال  نوکیں   میشن ءُ آسراتی    آنی گوما  زوت سرجم  کنگ بیت۔  اے موہ ء، سر ءَ صدر  مملکت  عارف علوی ءَ گوشت کہ  ہسپتال  ءَ  جاڑیگیں  جوڑیشیتی کار آناں زوت سرجم کنگ بیت تانکہ  الس  ءَ را  نوکیں  تھری ڈی  ہسپتال  ءِآ سراتی  ءَ چہ سیت  چست کت بکن اَنت۔