جشن آزادی ڈائمنڈ جوبلی دود، طالب علم آتا نیام اٹ ذہنی آزمائشت و سرحالی مشاعرہ نا مقابلہ، فٹ بال میچ اس ہم مس

فیصل آباد۔ 12 اگست (اے پی پی) جشن آزادی نا ڈائمنڈ جوبلی دود آتا بابت ڈویژنل پبلک اسکول و کالج اٹی طالب علم آتا نیام اٹ ذہنی آزمائشت و سرحالی مشاعرہ نا مقابلہ غاتیان بیدس ڈی پی ایس بلیو و ڈی پی ایس وائٹ نا نیام اٹ فل بال میچ اس ہم مس۔ دا میچ ءِ ڈی پی ایس بلیو اِرا صفر اٹ کٹا۔ ذہنی آزمائشت نا مقابلہ ٹی اقبال ہائوس اولیکو، طارق ہائوس ارٹ میکو وخت اس کہ سرسید ہائوس مسٹ میکو پوزیشن ءِ دوئی کرے۔ سرحالی مشاعرہ نا کماشی ءِ ہیڈ ماسٹر فقیر حسین آذر کرے وخت اس کہ ڈاکٹر محمود رضا سید، مس نگہت ، محمد اویس آن بیدس ایلو استاد و طالب علم آک بھلو کچ اسے ٹی ساڑی ئسر۔ داکان بیدس ڈویژنل سپورٹس ڈیپارٹمنٹ نا کنڈآن ڈائمنڈ جوبلی دود آتا چرجوئی ٹی ٹارٹن ٹریک فردوس کالونی جھنگ روڈ آ پنچ دے ئی فٹبال چیمپئن شپ انا رداٹ کوارٹر فائنل میچ اس مس ہراٹی روڑی بلوچاں فٹبال کلب جنڈاوالہ فٹبال کلب ءِ پلنٹی شوٹ آ 6 مقابلہ ٹی 7 آن شکست ترسا سیمی فائنل کن کوالیفائی کرے۔ ڈویژنل سپورٹس آفیسر رانا حماد اقبال ، ڈسٹرکٹ سپورٹس آفیسر ساجدہ لطیف، حاجی محمد رفیع، چوہدری سہیل ڈھلوں، رانا ظہیر احمد، وسیم عباس اولکھ، سفیان اولکھ، حافظ روحیل انجم 72 ج ب ، محمد واصل و ایلو فٹبال عہدیدار آک و شونقی تا بھلو کچ ا س ہم داوخت آ ساڑی ئسر۔