قائد اعظم نا سیوت، ایمان و نظم و ضبط نا روشنا و راہشون اصول آتیا عمل کرسا غٹ ویل آتا مون ءِ توننگ مریک، صدر فیصل آباد چیمبر

فیصل آباد۔ 12 اگست (اے پی پی) فیصل آباد چیمبر آف کامرس اینڈ انڈسٹری نا صدر عاطف منیر شیخ پارینے کہ قائد اعظم نا سیوت، ایمان و نظم و ضبط نا روشنا و راہشون اصول آتیا عمل کرسا غٹ ویل آتا مون ءِ توننگ مریک وخت اس کہ یوم آزادی پاکستان نا ڈائمنڈ جوبلی نا وخت آ مچ آ قوم ءِ یکجا مرسا امن، اخوت، مہرومریبت، اسٹی نا درس ءِ لس کننگ نا قول کروئی مریک۔ اے پی پی تون گپ وتران اٹی اوپارے کہ مستین آن چپ داوار ڈائمنڈ جوبلی نا سوب آن یوم آزادیءِ پروقار وڑاٹ اڈتننگک و داکلہو ءِ لس کننگک کہ بانی پاکستان قائد اعظم محمد علی جناح نا ولولہ انگیز کماشی ٹی ننا بزرگ آک ننے آجو ملک اس دوئی کرسا تسر ولے داسہ دا ننا زمواری ءِ کہ نن غٹ اواری اٹ محب وطن پاکستانی نا حیثیت اٹ وطن عزیز ءِ شونہالی و شون ہلوک جوڑ کننگ کن ہروڑنا قربانی ایتن نیز یوم آزادی  ءِ اڈتننگ نا وخت آ ننے پبی خواری اٹ انسانیت و ملک انا خذمت نا عزم انا درشانی ءِ کروئی مریک  انتئے کہ آجوئی بھاز بھلو نعمت اسے ہرانا بایدے قدر ءِ کین۔ اوپارے کہ پاکستان نا دوئی کننگ نا مسخت دوئی کننگ کن ہنین آ وطن تون تینا تعلقداری تے بے حد سوگو کننگ نا گرج ءِ۔ اوپارے کہ یوم آزادی نا متبرک ، مقدس و پرمسرت وخت آ شہدائے تحریک پاکستان ءِ خراج عقیدت و غازی تے خراج تحسین پیش کننگ آن بیدس وطن عزیز نا سالمیت کن نہادی جان تا نذرانہ پیش کروک آتون یکجہتی نا درشانی ءِ ہم کننگک۔ اوپارے کہ دادے ننے تینا باوہ و پیرہ نا برصغیر نا مسلمان تیکن اسہ رکھ و جتا ءُ وطن اسے نا دوئی کننگ نا جمہوری جہد نا یات ترفک ہراڑے اینو نن مذہبی، دودوربیدگی و راجی قدر انا رداٹ ہر وڑنا آجو فضاٹی تینا زند ءِ تیر کننگ اُن۔