مظفرگڑھ ءَ آجوہی مراگش ءِ روچ ءِ درگت ءَ چن ء ُ لانچ برجاہ اِنت

مظفرگڑھ ۔11اگست  (اے پی پی):ملک  ءِ ایندگہ دمگانی وڑءَ مظفرگڑھ   ء َ ہم آجوہی ءِ روچءِ چن ء ُ لانچ بوہگءَ اِنت، شہر ءَ سبز ء ُ اسپیتں بیرک، سٹال آنی سرءَ پُچ ء ُ پوشاک، منگالیک ء ُ زھگانی  ھاترءَ  سبز ء ُ اسپتیں پُچ ءُ پوشاک بہا گرگ  بوہگءَ اِنت۔ انچو انچو4 1 اگست نزیک ءَ پیداک اِنت شہری آنی تہا جوشء ُ جزبگ گیش بوہان اِنت، شہرءَ جاگہ جاگہ اسٹال جنگ بوتگ اَنت، بیرک ء ُ  بیج 14 اگستءِ درگت ءَ جوڑ کتگیں  پُچ ءُ پوشاک باز جلواہ اَنت، عمران ، خلیل مجاہد، سہیل ، ظفر، محسن ء ُ ایندگہ بازیں مردم کہ 14 اگست ءِ ھاترءَ سامان ءِ بہاگرگءَ اَتکگ بوتگ اَنت آیاں  اے پی پی ءَ را حال داتگ کہ زندگیں راج وتی آجوہی ءِ روچءَ را گوں شرپ ء ُ واہگ ء ُ جوشء ُ جزبگ ءَ گوازین اَنت۔  ہمے ھاترءَ آ وتی 75 می آجوہی ءِ روچءَ  سرجمیں جوشء ُ جزبگ ء  َ گوں گوازیناں ءُ پاکستان وڑیں نعمت رسگءَ  اللہ پاک ءِ شکرء ُ منت ءَ گراں ، آئی ءَ گیش  گشتگ کہ آ اے موہ ء َ وتی کشمیری براتاناں کدی ہم بے  ھال نہ کناں ء ُ پاکستان ءِ  بیرک ءِ گوما کشمیرءِ بیرک ءَ ہم وتی لوگانی سرءَ  جناں۔