ملک ءَ آجوہی مراگش روپ سکیپنگ ءِ نماشی مقابلہ 14 اگست ءَ بیت

اسلام آباد۔11اگست  (اے پی پی):پاکستان روپ سکیپنگ فیڈریشن ءَ ملک ءَ آجوہی ءِ مراگش ءِ موہ ءَ 14 اگست ءَ روپ سکیپنگ ءِ مقابلہ  کنگ ءِ جار جتگ۔ پاکستان روپ سکیپنگ فیڈریشن ءِ صدر مقبول آرائیں ءَ حال داتگ کہ آجوہی  مراگش ءِ مقابلہ آنی ہوالگءَ چن ء ُ لانچ گوں جوشء ُ جزبگ ءَ کنگ بوہگءَ اِنت۔ آجوہی ءِ مراگش ءِ موہ ءِ  14 اگست ءَ روپ سکیپنگ ءِ مقابلہ کنائینگ ءِ ھاترءَ فیڈریشن ءَ درائیں ہمگرنچیں ادارگ، صوبائی ء ُ ریجنل ایسوسی ایشنز ءَ را پنت ء ُ شون کتگ ۔ آئی ءَ گشتگ کہ پاکستان روپ سکیپنگ فیڈریشن ہمک سال آجوہی ءِ روچءِ موہ ءَ روپ سکیپنگ ءِ مقابلہ ءِ بندوبستءَ کنت۔ ایونٹس ءِ گڑ سرءَ سوبین بوہوکیں لیبی آناں دادء ُ سوگات دیئگ بیت۔