ملک ءَ آجوہی ءِ روچ  گوں  جوشء ُ  جزبگ ءَ گوازینگ بیت، ڈپٹی کمشنر تھرپارکر

تھرپارکر۔11اگست  (اے پی پی):ڈپٹی کمشنر تھرپارکر عبدالحفیظ سیال ءَ گشتگ کہ ملک ءِ آجوہی ءِ روچ 14 اگست ءَ سرجمیں تھرپارکر ءَ گوں  جوش ءُ جزبگ ءَ گوازینگ بیت چیا کہ آجوہی  یک نعمت اِت۔ اے ھیالانی درشانی آئی ءَ دربار ہال مٹھی ءَ 14 اگست ءِ روچءَ مراگش کنگءِ ہوالگءَ چن ء ُ لانچانی  تپاسی کنگءِ ھاترءَ  برجم داشگیں دیوان ءِ سروکی کنان ء َ کتگ۔ آئی ءَ  گشتگ کہ آجوہی ءِ  ارزشت ءَ  ہما راج سرپد بنت کہ آ چہ آجوہی ءَ زھبار اَنت ء ُ   و طن دوستیں  مردم دائم ءَ وتی  ملک ءِ آجوہی ءِ  روچءَ گوں جوشء ُ جزبگءَ گوازیناں۔ ڈپٹی کمشنر تھرپارکر عبدالحفیظ سیال ءَ  حال داتگ کہ 14 اگست ءِ درگتءَ بازیں  مراگش  کنگ بنت کہ فجر ءِ نماز ءِ وہدءَ مسیتاں ملک ءِ دیمروئی، وشھالی ، امنء ُ ایمنی ءِ ھاترءَ دعا کنگ بیت وہدے کہ راجی بیرک ءَ را   سلامی دیئگ ءِ بنجاہی مراگش مٹھی ہیڈ کوارٹر ءَ بیت وہدے کہ تحصیل ءِ مراگش تحصیل  ہیڈکوارٹرز ءَ بیت، ایشی ءَ ابید ہیڈکوارٹر نادراہ جاہ ءِ  نادراہ ء ُ بندی جاہ آں بندیانی سرءَ شیرکینی بہرء ُبانگ کنگ بیت۔ آجوہی ءِ روچ ءِ موہ ء َ وانگ  جاہ آں نودربرانی نیام ءَ گوشتانکی مقابلہ ، راجی سوت ءِ ٹیبلوز ءُ لیب ءِ گوازی ءِ ہم بندوبست کنگ بیت ء ُ شہر ءِ گڈی بھٹ ءَ ہم بازیں مراگش کنگ بیت۔