بلوچستان ءَ 14 اگست ءِ  تیاری   جاڑی انت،  لیاقت  بازار، فاطمہ جناح  روڈ  راجی  بیرک،  بیج،  چوڑی ءُ   جھنڈا آں چہ   سمبھینگ بوتگ

کوئٹہ۔11اگست  (اے پی پی):بلوچستان  ءَ 14 اگست ءِ تیاری جاڑی انت، 75 ھپتاد ءُ پنچمی یوم ءِآزاتی  ءِ روچ  جوانیں  رنگ ءَ  برجم دارگ ءِ تیاری کوئٹہ،پشین،  چمن، لورالائی، قلعہ سیف اللہ، مستونگ، نصیر آباد، گوادر ، لسبیلہ،   جعفرآباد ءَھوار ایندگر دمگ آنی تہءَ  گیش بوھگ ءَ انت۔  بازارراجی بیرک، بیجر،چوڑی ءُ  جھنڈی  آں چہ سمبھینگ بوتگ۔  کسانیں زھگ آنی  رش  ھم لگ اتگ، کوئٹہ ءَ زالبول، زھگ  ءُ   پیریں  درست آں پاکستان ءَگوں  مھر ءُ محبت  ءِ   واستہ راجی بیرک   بھا زورگ ءُ  وتی گس ءُ  دکان،ماڑی  ءُ گاڑی آناں سمبھینگ  ءَ  اَنت۔  اے رنگیں سمبھینگی چیز آنی بھا زورگ ءَ  کسانیں زھگ  درستاں چہ پیسر انت۔ آ وتی مات  ءُ پت، برات  ءُ گہار   ءُ ایندگر  سیاد ءُ وارسانی ھمبراھی ءَ بازار ءَ  روگ ءُ  وتی  دل دوستی سامان  آں بھا زورگ ءَ اَنت۔