آزاتی ٹوھیں نعمت ات، سیاسی   اختلاف آناں  یک نیمگ  ءِ ایر کنان ءَ آزاتی ءَ را  گوں  جوش ءُ جوزگ ءِ گوما برجم دارگ لوٹ ائیت،   پارلیمان  ءِ  باسک آنی ڈائمنڈ  جوبلی  ءِ رد ءَ   تران  

اسلام آباد۔11اگست  (اے پی پی): جتا جتائیں سیاسی  گل آں  گوں  سیادی داروکیں  پارلیمان ءِباسک  آں پاکستان ءَ را  اللہ پاک ءِ  ٹوھیں  نعمت ءِ  نامینان ءَ گوشتگ کہ اللہ  پاک   ءِ شگر ءُ منت واری گراں کہ  مرچی  یک آزاتی  ملکے ءَ   نپس کشگ ءَ آں،  مارادرستاناں  سیاسی اختلاف آناں یک ءُ دگر ءَ   جتا ایر کنان  ءَ   آزاتی ءِ  وشی ءُ  شاتکامی آنا ں برجم دارگ لوٹ ائیت۔  ءُ اے جزم ءِ درشان کنگ لوٹ ائیت کہ  پاک سرزمین ءَ را گواچنی  رنگ  ءَ اسلامی  گہبودی ریاست ءِ  جوڑ کنان،  مارا   پاکستان ءِ جوڑ کنگ ءِ  راستیں  مولءُ مراد آنی در جنگ ءِ  ضلورت   اِنت۔  اے ھیالانی درشانی آئی ءَ   پاکستان  ءِ  ڈائمنڈ جوبلی  ءِ رد ءَ  "اے پی پی”  ءَ گوں  پنچ شمبے ءِ  روچ ءَ ھاسیں تران کنان ءَ  گوشت۔  پاکستان مسلم لیگ  ن ءِ  راجی اسمبلی ءِ باسک   رومینہ خورشید ءَ گوشت کہ ما را درستاناں  اللہ پاک ءِ شگر ءُ منت واری  گرگ  لوٹ ائیت   کہ ما  آزاتیں ملکے ءَ  نپس کشگ ءَ آں۔  آئیءَ گوشت کہ  پارلیمنٹ  ءَ "پاک سرزمین شاد باد” ءِ  بن گپ ءِ  مراگش  جاڑی انت،  ایشیءِ تہ ءَ توامیں  پارلیمنٹ ءِ باسک  بھر زوری کنگ ءَ  انت۔  آئی ءَ گوشت کہ ما پاک سرزمین ءَ را  گواچنی رنگ ءَ  گہبودی ریاست ءِ  جوڑ کناں۔