ماتیں وطن ءِ آزاتی ءَ را 75 سالروچ  سرجم بوھگءِ  پد ءَ ایف نائن  پارک  ءَ  مرچی 10 ہزار مربع فٹ  ءِ بیرک  جوڑ کنگ بیت

اسلام آباد۔11اگست  (اے پی پی): ماتیں وطن  ءِ آزاتی ءِ 75  سالروچ  سرجم بوھگ ءِ  پد ءَ  ڈائریکٹوریٹ  آف سپورٹس اینڈ کلچر ایم سی آئی، سی ڈی  اے  ءِ چیر دستی ءَ  مرچی آدینگ ءِ روچ ءَ 10 ہزار  مربع فٹ  ءِ بیرک  جوڑ کنگ بیت  ایشی ءِ  تہءَ  کساس  پنچ ہزار  زھگ  زوری  کن اَنت۔ پنچ شمبے ءِ روچ ءَ ایم سی آئیءِشوبگ  سپورٹس  اینڈ کلچر  ءِ نیمگ ءَ جاڑی بوتگیں  جار ءِ رد ءَ   ا ے موہ ءِ سر ءَ ڈپٹی کمشنر  اسلام آباد / ایڈمنسٹریٹر، ایم سی آئی عرفان نواز میمن ھاسیں مہمان   بیت۔  اے مراگش آدینگءِروچ ءَ  12 اگست  ءَ سہب ءِ 10 کلاک ءَ کرکٹ  گراونڈ ایف نائن پارک،  گیٹ نمبر 4  اسلام آباد  ءَبرجم بیت۔   ایشی ءَ ابید 14 اگست  2022 ءَ   بیرک ٹنگگ  ءِ  مراگش  ءِ ھوالگ ءَ انتظامی آنی چار ءُ تپاسیدیوان پنچ شمبے ءِ روچ ءَ  ایڈیشنل  ڈپٹی کمنشر جنرل اے ڈی  سی جی  اسلام آباد ءِ سروکی ءَ  برجم  بیت۔  دیعوان ءَ فائنل سیکورٹی  ءُ ٹریفک انتطامی آناں  پکوئیں  رنگ  دیگ بوتگ۔ ایس ایس  پی آپریشنز،  ایس  ایس پی ٹریفک،  سپیشل  اینڈ  سیکورٹی برانچ   ءِ ڈی ایس پیز،  اے سی سیکرٹریٹ ءُ ایندگر  کانود ءَ را  مھکم داروکیں  ادارگ آنی نماھندگ آں  دیوان ءَ  بھر  زوری کت۔