پاکستان   ءِ 75 ھپتاد ءُ پنچمی سالروچ ءَ توامیں پاکستانی  شات  ءُ شاتکام انت،  مزن وزیر 14 اگست  ءَ  سرجمیں ری ریکارڈڈ  راجی  سوت آنی بندات ءَ کنت،  بنجاھی وزیر اھوالکاری  مریم  ارونگزیب ءِ یوم ءِ آزاتی ءِ ھوالگ ءَ  ڈیجیٹل  فوٹو گرافی  نماش  ءِ  بنگیجی مراگش ءَ  گوں گشتانک  

اسلام آباد۔11اگست  (اے پی پی): بنجاھی وزیر اھوالکاری ءُ شنگ کاری مریم اورنگزیب  ءَ گوشت کہ مزن وزیر  14 اگست ءَ  سرجمیں ری ریکارڈڈ راجی سوت آنی  بنگیج ءَ کنت،  پاکستان ءِ  75 ھپتاد ءُ پنچمی سالروچ ءَ توامیں پاکستانی   گل ءُ شات انت، ما وتی راجی ہیروز، راجی دود ءُ ربیدگ  ءُ  راجی  مڈی آناں سہرا کناں،  وزارت ءِ اھوالکاری ءِ   بند و بست  کتگیں پاکستان ءِ سالروچ   راجی جوزگ ءِ گوما  برجم دارگ  بوھگ ءَ انت۔  اے گپ آئی ءَ  پنچ شمبے ءِ روچ ءَ  ڈایریکٹرویٹ  آف الیکٹرانک میڈیا  اینڈ پبلی کیشنز  ءِ  چیر دستی ءَ  بند ءُ بست کتگیں ڈیجیٹل فوٹو گرافی  نماش ءِ بنگیجی مراگش ءَ  گشتانک دیان ءَ  گوشت۔  بنجاھی   وزیر اھوالکاری  ءَ گوشت کہ مزن وزیر ءِ پنت ءُ شون  ءِ  رد ءَ  وزارت ءِ اھوالکاری  ءِ چیر دستی ءَ    جتا جتائیں  مراگش  آنی شیڈول   بند ءُ بست  کنگ بوتگ۔  اے سال  ءَ 75  ھپتاد ءُ پنچمی سالروچ ءِ موہ ءَ راجی  سوت ءِ ری ریکارڈنگ  سرجم کنگ  بوتگ  ایشی ءِ   پرومو  مرچی جاڑی کنگ  بیت۔   آئی ءَ  1954  ءَ  راجی  سوت اولی رند ءَ  ریکاڈ کنگ بوتگ،  ایشی ءَ چہ پد   ایشی ءِ تہ ءَ گیشی آرگ بوتگ۔  آئی ءَ  گوشت کہ ری ریکارڈ  راجی   سوت پاکستان  ءِ  کُنڈ کنڈ ءِ ازمکار یکجا بوت انت ءُ  الہان کت۔  آئی ءَ گوشت کہ راجی  سوت ءِ  ریکاڈنگ  ءِ کار 2017  ءَ  بندات بوتگ،  گوستگیں حکومت  ءَ  ھم ایشی ءِ سر ءَ کار جاڑی بوتگ،  گوستگیں چار مام ءَ چہ ما ایشی ءِ سر ءَ کار کنگ ءَ آں۔   اے  یک انچیں منصوبگ  ات کہ مارا درستاناں  ایشی ءِ سر ءَ پھر انت۔   بنجاھی وزیر  اھوالکاری  ءَ گوشت کہ مزن وزیر 14 اگست  ءَ  ری ریکارڈڈ  راجی  سوت  راجی بیرک ءِ  ٹنگگ ءِ مراگش  ءَ  لانچ کنت۔  بنجاھی وزیر  اھوالکاری  مریم اورنگزیب ءَ ھوار   وزارت ءِ اھوالکاری  ءِ  ٹوھیں  کارندہ ھم  اے  مراگش ءَ ساڑی اتنت،    آواں  ڈیجیٹل  اکسی نماش  ءِ چار  ءُ تپاسی گپت،  اے موہ ءِ سر ءَ بنجاھی وزیر  ءَ  کافی ٹیبل  بک ءِ بنگیج  ھم کت۔  مراگش ءَ پاکستان  ءِ آزاتی ءِ  ھوالگ ءَ   ڈاکیومنٹری فل  ھم  پیش دارگ بوت۔