غیرمسلم شاریک ننا قومی دنگ انا بشخ ءُ، اینو نن ملک اکن اوفتا خذمت آتے خراج تحسین پیش کینہ، وزیراعظم نا ٹویٹ

اسلام آباد۔ 11 اگست (اے پی پی) وزیراعظم شہباز شریف پارینے کہ غیر مسلم شاریک ننا قومی دنگ انا بشخ ءُ، اینو نن ملک اکن اوفتا خذمت آتے خراج تحسین پیش کینہ۔ پنچ شنبے نادے آ تینا ٹویٹ اٹی وزیراعظم پارے کہ ننا غیر مسلم شاریک ننا قومی دنگ انا اسہ المی ءُ بشخ اسے ءُ۔ اینو نا دے نن ملک اکن اوفتا خذمت آتے خراج تحسین پیش کینہ و اوفتا منت واری ءِ ہرفنہ۔ اوپارے کہ بانیان پاکستان اسہ ہندن ءُ راج اسے نا تصور پیش کریسس ہراٹی ریاست نا ہر شاری ءِ بریبر نا حق دوئی مرے۔