فیصل آباد۔ 11 اگست (اے پی پی) بنجائی پارلیمانی سیکرٹری حوالکاری و شینکاری چوہدری محمد شہباز بابر پارینے کہ ساڑی حالیت آتیٹی یوم آزادی نا وخت آ مچ آ قوم ءِ یکجا مرسا امن، اخوت و مہرومریبت نا درس ءِ لس کننگ نا قول کروئی مریک، قائد اعظم نا سیوت، ایمان و نظم و ضبط نا روشنا و راہشون اصول آتیا عمل کرسا غٹ ملکی ویل آتا مون ءِ توننگ …
یوم آزادی آ قوم ءِ یکجا مرسا امن، اخوت و مہرومریبت نا درس ءِ لس کننگ نا قول کروئی مریک، پارلیمانی سیکرٹری حوالکاری و شینکاری چوہدری محمد شہباز بابر
فیصل آباد۔ 11 اگست (اے پی پی) بنجائی پارلیمانی سیکرٹری حوالکاری و شینکاری چوہدری محمد شہباز بابر پارینے کہ ساڑی حالیت آتیٹی یوم آزادی نا وخت آ مچ آ قوم ءِ یکجا مرسا امن، اخوت و مہرومریبت نا درس ءِ لس کننگ نا قول کروئی مریک، قائد اعظم نا سیوت، ایمان و نظم و ضبط نا روشنا و راہشون اصول آتیا عمل کرسا غٹ ملکی ویل آتا مون ءِ توننگ مریک۔ داخیال آتا درشانی ءِ او اے پی پی تون گپ وتران اٹی کرے۔ اوپارے کہ مستین آنبار داوار ہم یک شنبے نادے 14 اگست آیوم آزادی ءِ پروقار وڑاٹ اڈتننگک۔ اونا پاننگ ئسک کہ بانی پاکستان قائد اعظم محمد علی جناح نا ولولہ انگیز کماشی ٹی ننا بزرگ آک ننے آجو ملک اس دوئی کرسا تسر ہنداخاطرآن داسہ ننا زمواری ءِ کہ وطن عزیز ءِ شونہال و شون ہلوک جوڑ کننگ کن ہروڑنا قربانی ایتن، یوم آزادی ءِ اڈتننگ نا وخت آننے پبی خواری اٹ انسانیت و ملک انا خذمت نا عزم انا درشانی ءِ کروئی مریک انتئے کہ آجوئی بھا زبھلو نعمت اسے ہرانا بایدے قدر ءِ کننگے۔ اوپارے کہ پاکستان نا دوئی کننگ نا مسخت دوئی کننگ کن ہنین آ وطن تون تینا تعلقداری تے بے حد سوگو کننگ نا گرج ءِ۔ چوہدری محمد شہباز بابر پارے کہ یوم آزادی نا متبرک، مقدس و پرمسرت وخت آ شہدائے تحریک پاکستان ءِ خراج عقیدت و غازی تے خراج تحسین پیش کننگ آن بیدس وطن عزیز نا سالمیت کن نہادی جان تا نذرانہ پیش کروک آتون یکجہتی نا درشانی ءِ کینہ۔
