فیصل آباد، یوم آزادی نا وخت آ غٹ مسیت آتیٹی قرآن خوانی نا خصوصی محفل آتا اڈتننگ نا پڑو

فیصل آباد۔ 11 اگست (اے پی پی) محکمہ اوقاف و مذہبی امور فیصل آباد یک شنبے نادے آیوم آزادی نا وخت آ غٹ مسیت آتیٹی قرآن خوانی نا خصوصی محفل آتا اڈتننگ نا پڑو کرینے۔ ترجمان محکمہ اوقاف فیصل آباد ریجن اے پی پی ءِ پارے کہ یوم آزادی نا مبارک وخت آ غٹ مسیت آتیٹی سہب انا نماز آن پد قرآن خوانی نا خصوصی دود اڈتننگک و داوخت آ وطن عزیز نا سلامتی ، ملکی سوگوی، تہہ و پیشن نا خلفشار آن نجات، جغرافیائی و نظریاتی سیم تا رکھ، قدرتی آفت، ناگہانی شکست، است ہسون سانحہ غاتیان بچنگ، اتحاد بین المسلمین ، بین المذاہب ہم آہنگی، اخوت و یگانگت، ایلمی نا فضا نا مون آدننگ، انتہاپسندی، دہشت گردی آن نجات، السی شونہالی، قومی آسودہی، علاقائی شونداری و شونہالی ، امن و ایمنی کن خصوصی دعا کننگک۔