مظفر گڑھ اٹی ہم یوم جشن آزادی نا تیاریک ترند، سوز جھنڈی تا بہار

مظفر گڑھ ۔ 11 اگست (اے پی پی) ملک انا ایلو علاقہ غاتیانبار مظفر گڑھ اٹی ہم یوم آزادی نا تیاریک ترند مسنو، شار اٹی سوز جھنڈی تا بہار، اسٹال آتیا لویس، بنگڑی و چناتا شرٹ آتا ہلنگ اٹی ہم ترندی مون آ بننگ ءِ۔ ہندن ہندن 14 اگست خڑک بننگ ءِ شاری تا جو ش و جوزہ ٹی ہم ودکی مننگ ءِ، شار اٹی ہر جاگہ غا اسٹال لگوک ءِ ہراڑے بیرک، جھنڈی، بیج و 14 اگست نا رداٹ تیار کروک شرٹ آک تینا بہار ءِ نشان تننگ ءُ و چنا وورناتے تینا کنڈآ چکنگ ءُ، جاگہ جاگہ چنا و ورناک ہلنگ اٹی اختہ نظر بریرہ، عمران ، خلیل ، مجاہد، سہیل، ظفر، محسن و ہلنگ کن بروک آ چندی و ایلو ورناک نمائندہ اے پی پی ءِ پاریر کہ زندہ قومک تینا یوم آزادی ءِ شان و شوکت و جم و جوش اٹ اڈ ایترہ ہنداخاطرآن او تینا 75 می یوم آزادی ءِ پبی وڑاٹ اڈ ایترہ و پاکستان کون آ نعمت ءِ تننگ آ اللہ پاک نا شکر ءِ ادا کیرہ، اومستی پاریر کہ او داوخت آ تینا کشمیری ایلم تے ہم است آن دپسہ و پاکستان نا بیرک تون کشمیر نا بیرک ءِ ہم تینا اُراتیٹی خلیرہ ۔