پاکستان ءِ نیمگ  ءَ چہ بی جے پی حکومت ءِ نیمگ ءَ چہ 14 اگست ءَ  ’’بہرء ُبانگءِ بیمناکیں یاتانی روچ  ‘‘ گوازینگءِ  ناشری کنگءِ گامگیج ءَ را  ایر جنگ بوتگ

اسلام آباد۔10اگست  (اے پی پی):پاکستان ءَ بھارت  ءِ نیمگ ءَ چہ بی جے پی حکومت ِ نیمگ ءَ چہ 14 اگست ءَ را  بہر ءُ بانگ ءِ بیمناکیں یاتانی روچ‘‘ گوازینگ ءِ  ناشری ءَ را  ترندی ءَ ایر جتگ ء ُ گشتگ کہ بھارت ءَ را اے سوج ءَ دیاں کہ آ آجوہی ءِ  بابت ءَ وئیلانی سرءَ سیاست مہ کنت ء   ُ آئی ءِ بدل ء َ  آ درائیں مردمانی  یاتانی شرپ ءَ بہ کنت کہ آیاں  درستانی جوانیں بانداتءِ ھاترءَ  وت ءَ  را ندر کتگ۔  دری کارانی کارگس ءِ جارچین ءَ گشتگ کہ بی جے پی-آر ایس ایس ءِ  حکومت ءِ نیمگ ءَ چہ حاسیں ایجنڈا ءِ ردءَ  یک رندے پد ءَ پندل سازگ ءُ   1947 ءَ آجوہی ءَ  پد  بوتگیں بیمناکیں وئیل ءُ مزنیں   کساسے ءَ لڑء ُ بار کنگءِ ہوالگءَ اے گپ باز اپسوز ناک اَنت۔ بی جے پی حکومت وتی  سیاسی ایجنڈا ءَ را  راج دپتر ءِ  ھرابیں   تشریح ءَ چہ اُلس ءِ جزبگاناں لگت مال  کنگ ءَ  اِنت۔  جارچین ءَگشتگ کہ گوستگیں   بازیں سالاں چہ اے گپ ءِ ثبوت دست کپتگ  اَنت کہ ہندوستان ءِ سیکولرازم ءِ ہمراہ داری یک  دھوکہ اِت۔ راستی ایش اِنت کہ مرچیگیں  ہندوستان یک غیر اعلانیہ ’ہندو راشٹرا‘ اِت کہ آئی ءِ تہا دومی مذہبی اقلیت آنی ھاترءَ ایچ وڑیں جاگہ نیست۔ آئی ءَ گشتگ کہ   بھارتی حکومت ءَ را  اے سوج ءَ دیاں کہ آ  آجوہی ءِ بابتءَ وئیلانی سرءَ سیاست مہ کنت ء ُ ایشی ءِ بدل ءَ آ مردمانی یاتانی شرپ ءُ  عزتءَ بہ کنت کہ آیا ں درستانی جوانیں بانداتءِ ھاترءَ وت ءَ را ندر کتگ۔