مزن گس  ملک ءِ 22 کروڑ اُلس ءِ  گمء ُ رنجاں ہلاس کُت کنت، راجی اسمبلی ءِ اسپیکر راجہ پرویز اشرف ءِ مزن گسءَ آجوہی ءِ روچءِ  ڈائمنڈ جوبلی مراگءِ بُنگیجی مراگشءَ گوں تران

اسلام آباد۔10اگست  (اے پی پی): راجی اسمبلی ءِ اسپیکر راجہ پرویز اشرف ءَ گشتگ کہ مزن گس ملک ءِ 22 کروڑ اُلسءِ گمء ُ رنجاں ہلاس کت کنت ء ُ ہمے ملک ءَ را دیما بُرت کناں، حزب اقتدار ء ُ حزب اختلاف دوئیں مزن      گسی نظام ءِ  ڈولداریں  دیم اَنت ،  ما کجام ہم نیمگءَ بہ بنت بلے مئے مول ء ُ مراد  ملک ءِ  گہتری    ءُ آئی ءِ شان ءِ مزن کنگ بہ بیت۔ چارشمبے ءِ روچءَ مزن گس ءَ آجوہی ءِ روچءِ  ڈائمنڈ جوبلی ءِ  بُنگیجی مراگش ءَ گوں تران کتگ ءُ آئی ءَ گشتگ کہ آجوہی ءِ روچءِ مراگش دائم ءَ ہمک پاکستانی ءِ دلءِ توار بیت ء ُ ملک ءِ ہر  تبک  ایشی ءَ ر ابرجم داریت، اولی رنگءَ  مزن گسءَ  آجوہی ءِ روچءِ ڈائمنڈ جوبلی مراگش کنگءِ فیصلہ کتگ، اے سئے روچی مراگش کہ 11 اگست ءَ تاں 14 اگست ءَ برجاہ بیت۔ اے موہ ءَ عکسی نماش ہم بیت، اے عکسانی تہا اولی دستور ساچ اسمبلی ءَ چہ  بہ گر 2022 ءِ مزن گس ءِ راج دپتر پیش دارگ بیت۔   بابائے راج قائد اعظم محمد علی جناح ، ملک ءِ اولی مزن وزیر شہید ملت لیاقت علی خان ، شہید ذوالفقار علی بھٹو ء ُ بانک بے نظیر بھٹو شہید ءَ ہوار ملک ءِ ایندگہ  مزن وزیر ، صدر ء ُ  مزن گسی باسکاناں اے عکسانی تہ ءَ پیش دارگ بیت۔ 10 اگست 1947 ءَ   ملک ءِ اولی کانود ساچ اسمبلی ءِ دیوان بوتگ کہ  آئی ءِ پد 14  اگست 1947 ءَ پاکستان  جوڑ بوتگ۔راجی اسمبلی ءِ اسپیکر ءَ را گشتگ کہ اے گپ ءِ جزم کنگ لوٹا ں کہ اے ملک 22 کروڑ اُلس ءِ ادارگ ء ُ  دانش گاہ اِنت ء ُ آیانی مارشانی  جارچینی ء َ کنت۔ اے مزن گس ءِ وسیلگءَ ملک ءَ را  عظیم تر کناں۔  آئی ءَ گشتگ کہ  عکسی ء ُ کتاب ءِ نماش ءَ ابید ڈائمنڈ جوبلی ءِ  سئے روچیگیں مراگشءِ موہ ءَ ما اقلیت، زالبول ء ُ ملک ءِ بازیں وانگ جاہ ء ُ پاکستان سویٹ ہومز ءِ زھگاناں توارکناں ء ُ دیوان کناں ء ُ آیاناں پارلیمنٹیرینز ءِ سیٹاں نادیناں ء ُ جست ء ُ  پُرس کنگءِ موہ دیاں۔ یک جستے ءِ پسوءَ آئی ءَ گشتگ ما کسے ءَ را  بھتان جنگءِ بدل ءَ  وتءَ را چارگ ء ُ لوٹ ایت، ہمے وڑءَ ما دیما رؤاں ۔ ایشی ءَ پیسر اسپیکر ءَ ملک ءِ مزن  گس، جمہوری ء ُ آئینی راج  دپتر ءِ ہوالگءَ ”رہبر ترقی و کمال” ءِ  سرھال ءَ چہ عکسی نماش ءِ بُنگیج کتگء ُ ایشی ءَ  پد آئی اسلامی خطاطی، پاکستان ءِ دودء ُ ربیدگ، لڑء ُبار ء ُ راج دپتر ءِ سرھالانی سرءَ بازیں عکسانی نماش ءِ ہم بُنگیج کتگ۔ راجی اسمبلی ءِ لائبریری ءَ پیسرگیں مزن وزیر ذوالفقار علی بھٹو، سیّد یوسف رضا گیلانی، چوہدری شجاعت حسین، عمران خانءَ ہوار  سینئر سیاستدان ، راجی اسمبلی ءِ پیسرگیں اسپیکر ء ُ ایندگہ قلم کارانی  نبشتہ کتگیں  کتابانی  نماش ہم اسپیکر ءَ بُنگیج کتگ۔