ڈائمنڈ جوبلی پاکستان چار روچی  کسمانک فیسٹیول 11 اگست ءَ بندات بیت، مغیث  بن عزیز

سرگودھا۔10اگست  (اے پی پی):ڈائریکٹر کونسل مغیث بن عزیز  ءَ گشتگ کہ پنجاب کونسل آف دی آرٹس سرگودھا ڈویژن  ءِ سروکی ءَ ڈائمنڈ جوبلی پاکستان چار روچی ڈرامہ فیسٹیول 11 اگست ءَ  بندات بوہگءَ اِنت۔ اے فیسٹیول  تاں 14 اگست ءَ برجاہ بیت کہ آئی ءِ تہا آجوہی ءِ درگت ءَ کسمانک پیش کنگ بیت۔ اے کسمانکانی بنکی مولء   ُ مراد آجوہی وڑیں نعمت ءَ چہ  اُلسءَ را سرپد کنگ اِنت۔ آئی ءَ    حال دا تگ کہ 11 اگست ءَ   درستاں چہ پیسر  کسمانک ” مطلب پاکستان دا” ، ٍ12 اگست ءَ کسمانک ” وقت” 13 اگست ءَ کسمانک ” مال ِ غنیمت” ء ُ  14 اگست ءَ کسمانک ” آزادی کا سفر” پیش کنگ بیت۔ مغیث بن عزیز ءَ  گشتگ کہ اے ڈرامہ آنی  تہ ءَ سرگودھا ءِ نامداریں ازمکار وتی  ازم ءَ پیش داراں ۔ اے چاریں کسمانک بیگاہ ءِ 7 بج ءَ  بندات بنت کہ اے مفت پیش دارگ بنت۔ آئی ءَ گشتگ کہ پاکستان ءِ 75 می بوتن روچءَ را یات گار کنگ ءِ ھاترءَ درائیں  سرگودگھا ءِ  مردم ایشی ءِ تہا ہوار بہ بنت ء ُ وتی آیوکیں نسل آناں  اے ملک ءِ ھاترءَ جدوجہد ءَ چہ سرپد کنگءَ وتی کردءَ پیلو بہ کناں۔ ڈائریکٹر کونسل مغیث بن عزیزءَ  گشتگ کہ سرگودھا آرٹ کونسل اے ہوالگءَ  گامگیج چست  کنت   کہ آیاں چہ ماتیں  وطن ءَ چہ حُب ء ُ واہگ ء ِ گیش بیت۔