پاک بحریہ ءِ  ہورء ُ ہاراں چہ  آماچ بوتگیں لسبیلہ ءِ بازیں دمگاں کمکی کاروائی  برجاہ

کوئٹہ۔10اگست  (اے پی پی):پاک بحریہ ءِ نیمگ ءَ چہ قدرتی اپت ءِ موہ ءَ  ہورء ُ ہارانی  آماچ بوتگیں  لسبیلہ ءِ بازیں دمگاں کمکی کاروائی  برجاہ  اَنت۔ انوگیں ہور ء ُ  ہارانی وہدءَ پاک بحریہ   لسبیلہ ءِ سول انتظامیہ ءَ را ریسکیو ء ُ ریلیف آپریشنز ءِ تہا سرجم ءَ کمک کنگءَ اِنت  ، سرکاری وسیلگ ءِ ردءَ  پاک بحریہ ءَ ہورء ُ ہاراں چہ بے لوگ بوتگیں مردمانی ھاترءَ لسبیلہ ءَ تمبو جاہ  ہم جوڑ کتگ ٹینٹ ویلج ءِ تہا بے لوگ بوتگیں  مردماناں وردن ء ُ وراک ء ُ جان ء ُ سلامتی ءِ آسراتی سرکنگ بوہگءَ اِنت ایشی ءَ ابید ہندی مردماناں جانء ُ سلامتی ءِ بنداتی  طبی کمک ءُ جانء ُ سلامتی ءِ  مفت آسراتی دیئگ ءِ ھاترءَ  لاکھڑا ءِ دمگ ءَ فری میڈیکل کیمپ ہم جنگ بوتگ۔  ڈاکٹر ءُ  پیرامیڈیکل سٹاف ءِ  ٹیم ہورء ُ ہارانی آماچیں اُلس ءَ را علاج ء ُ مفت درمان  سر کنگ ءَ اَنت ، اے  موہ ءَ پاک نیوی ءِ ہیلی کاپٹر ضلع لسبیلہ ءِ  دمگاں ریلیف آپریشن ءَ  راشن ءِ  لوت ءِ تہا گراستگیں ورگ ء ُ کمکی سامان سرکنگءِ کار    ڈسٹرکٹ ایڈمنسٹریشن ء ُ دمگی رضاکارانی کمک ء ُ گائیڈلائن ءَ چہ  بوتگ اَنت،  سر کاری وسیلگءِ ردءَ پاک بحریہ سول انتظامیہ ء ُ بازیں است مندیں  مردماں یکجاہ ہوار ہورء ُ ہارءِ آماچیں مردمانی  کمک ءَ کنگ ءَ اَنت۔ درستاں چہ گیش  آماچیں دمگاں بحالی ءُ طبی آسراتی سرکنگ ءِ ھاترءَ اِشتاپی بنیاتاں رورل ہیلتھ سینٹر لاکھڑا ءَ میڈیکل کیمپ جتگء ُ 600 ءَ چہ گیش نادراہ آنی مفت چارء ُتپاس کنگ بوتگ، ڈپٹی کمشنر لسبیلہ مراد کاسی ءَ پاک  نیوی ءِ ڈیسزاسٹر ءَ ازمت ء ُ ڈسٹرکٹ ایڈمنسٹریشن ءِ کورڈینیشن  ءَ چہ گران ساہتءَ وتی ہم وطن آنی کمک  کنگءِ جزم ءَ را ساڑاتگ ، ڈی سی لسبیلہ ءِ ردءَ میڈیکل کیمپ ءَ بازیں  نادراہی آنی  آماچیں مردماناں علاج کنگ بوتگ ء ُ ایشی ءَ ابید لاکھڑا ءِ ہورء ُ ہاراں چہ  آماچیں مردماں میڈیکل کیمپ ءِ  جوڑ  کنگءَ کمانڈر کوسٹ پاکستان جاوید اقبا لیفٹنینٹ کمانڈر اسدخان لیفٹنینٹ تحسین محمود،سرجن لیفٹیننٹ کمانڈر ڈاکٹر منحاج،ڈی جی ہیلتھ بلوچستان ڈاکٹر نور قاضی ءُ ڈسٹرکٹ ایڈمنسٹریشن ءِ شکر ء ُ  منت گپتگ کہ آیاں  پہ وہد کوشست کتگء ُ ہورء ُ ہارءِ آماچیں مردمانی ھاترءَ  آماچیں دمگاں میڈیکل کیمپ  جنگ ءَ اَنت۔