مزن وزیر شہباز شریف ءِ گوستگیں  چارء ُ سال ءُ نیم ءِ تہا بجلی ءِ منصوبہ آنی  جوڑ کنگ ءَ مھتلی ءِ ہوالگ ءَ انکوائری  کمیشن ءِ رپورٹ زوت پیش کنگ ءِ  پنت ء ُ شون

اسلام آباد۔10اگست  (اے پی پی)  مزن  وزیر شہباز شریف ءَ  گوستگیں چارء ُ سال ء ُنیم ءِ تہا بجلی ءِ منصوبہ  ءِ  جوڑ کنگ ءَ مھتلی ءِ ہوالگءَ انکوائری کمیشن ءِ رپورٹ زوت  پیش کنگ ءِ پنت ء ُ شون  کتگء ُ گشتگ کہ ملک ءِ تہا درآمدی ایندایندھن ءَ چہ گران نیادیں بجلی ءِ  بدل ءَ  مردماناں  سولر ءِ متبادل  دیئگ بیت، روچ ءِ توانائی ءَ چہ گران  نیادیں درآمدی ایندھن ءِ بل کم بیت  ء ُ  حرچ کم بیت، ماحول دوستیں بجلی ودی بیت۔ مزن وزیر کارگس ءِ  میڈیا ونگ ءَ چہ جاری بیان ءِ ردء َ اے ھیالانی درشانی آئی ءَ وتی سروکی ءَ سرجمیں  ملک ءَ سول گامگیجانی سرءَ مزن تک ءِ دیوان ءَ گوں تران کنان ءَ کتگ۔  دیوان ءِ تہا  مزن وزیر ءَ  پنت ء ُ شون کتگ کہ گوستگیں چارء ُ سال ءُ نیم ءَ بجلی ءِ منصوبہ آنی  جوڑ کنگءَ متھلی ءِ سرءَ انکوائری کمیشن ءِ رپورٹ زوت پیش کنگ ءِ  پنتء ُ شون کتگ۔ مزن وزیر ءَ گشتگ کہ ملک ءَ درآمدی ایندھن ءَ چہ گران  نیادیں بجلی ءِ بدل ءَ مردماناں سولر  ءِ بدل دیئگ بیت۔ دوسال پیسر نابودیں نیازی حکومت ءِ 2020 ءَ  داتگیں توانائی پالیسی ناکام  بوتگ ء ُ آئی ءَ چہ پد اے پڈ ءَ زرکاری ءَ ہم نابوتگ۔  دیوان ءَ را حال دیئگ بوتگ کہ حکومت آیوکیں لھتیں ماہ آں 14000میگاواٹ ءِ  سولرآئیزیشن  ءِ منصوبہ  بندات کنت کہ آیانی تہا 9000  میگاواٹ ءِ منصوبہ  دلگوشی بنیاتاں سرجم کنگ  بنت۔ منصوبہ آنی تہ ءَ سولر سسٹم  رعایتی نیاداں دیئگ بنت ءُ آیانی سرءَ ٹیکس ءِ مد ءَ ہم   آسراتی دیئگ بیت۔ مزن وزیر ءَ  دلگوشی بنیاتاں اے منصوبہ آنی سرجمی ءِ ھاترءَ  زوتاں چہ زوت منصوبہ بندی  سرجم کنگءِ پنتء ُ شون کتگ۔