کسد ءُکینگ  ءِ توم ءِ  کشوک عمران خان ءَ ا لس ءَ را سول نافرمانی  ءِ  واستہ  ٹوک داتگ،  جمہوریت ءِ برجائی  ءِ واستہ  درستاناں یکجائی ءَ کار کنگ لوٹ ائیت،  بنجاھی وزیر  خر دستگیر ءِ پریس  کانفرنس ءَ گوں گشتانک

اسلام آباد۔10اگست  (اے پی پی): بنجاھی وزیر  توان خرم دستگیر ءَ گوشتگ کہ کسد ءُ کینگ ءِ  توم ءِ کشوک  عمران خان ءَ  الس  ءَ را سول  نافرمانی ءِ  واستہ  ٹوک داتگ،   دوستیں ملک آنی گوما  یکوئی ھراب کنگ ءِ کوشست  کتگ۔  ہیلی کاپٹر  واکیہ ءَ چہ پد   یک ٹوھیں  گامگیج  ءِ  چلائینگ بوتگ۔  ملک ءَ را عمرانی  فتنہ ءَ چہ  بچارینگ  درستاں چہ گیش المی تر  انت۔  آزاتیءَ گوں  وتی درشان ءُ  ادارگ آنی  سر ءَ بھتام بندگ  ءَ  باز پرک انت،  توامیں ادارگ  آنی  شرپ  ءَ را برجا  دارگ  لوٹ ائیت۔   حکومتی گامگیج  آنی سبب ءَ  معیشت  گہتری ءِ نیمگ ءَ  رھادگ بوھگ ءَ انت،   آیوکیں روچ آنی تہ ءَ گران بھائی ءِ تہ ءَ  باز  کمی کئیت۔  جولائی ءِماہ ءِ بل آنی تہ ءَ مئی ءِ فیول  پرائس ایڈجسٹمنٹ  جنگ بوتگ،  بل جمع کنائینگ  ءِ  گڈی تاریخ  ءَ را  ودینگ کپت گڈا   تاریخ ءَ ودیناں،  تاجر آنی سر ءَ فکسڈ  ٹیکس   انوں جنگ نہ بیت،   مسیت آنی  بل آنی  سر ءَ  ٹی وی سرچارج  جنگ نہ بیت۔  چار شمبے ءِ روچ ءَ  پریس کانفرنس ءَ گوں گشتانک دیان ءَ  خرم دستگیر  ءَگوشت کہ  2014  ءَ  عمران خان ءَ  کشاں چیل ءَ بندات کتگ ءُ گیر جمہوری  نمونگ ءَ  کسد ءُ کینگ ءِ  توم  ءَ را کشتگ،  توان ءِ  بل آناں  سوچگ ءُ آچ جنگ ءِ  بندات کتگ ءُ الس ءَ را  سول نافرمانی ءِ دعوت  داتگ۔  ڈن ملک ءَنندوکیں  پاکستانی آناں  بنک آنی وسیلگ ءَ  زر روان نہ دیگ ءُ ہنڈی ءِوسیلگ ءَ  زر  روان دیگ ءِ  گامگیج  چلائنتگ۔  آئی ءَ گوشت کہ توامیں ادارگ آنی  شرپ ءَ را   مارا برجا دارگی انت۔ پازیٹیو  ایراد  گرگ ءَ درست آزات انت۔  جمہوریت ءِ برجائی ءِ واتہ  درستاناں  یکجائی ءَ  کار کنگ لوٹ ائیت۔