نودربر آناں  مارکیٹ  ءِ ضلورت ءِ رد ءَ زانشت   ءُ بلدکاری  سکھارینگ  بہ بیت،   ایشی ءَ چہ آوانی کیرئیر   ءَ را دیمروئی  رسیت، صدر  مملکت ڈاکٹر عارف علوی ءِ علامہ اقبال اوپن  یونیورسٹی  ءِ  ھوالگ ءَ  استیں  فالو  اپ   بریفنگ  دیوان ءَ گشتانک  

اسلام آباد۔10اگست  (اے پی پی):صدر مملکت ڈاکٹر عارف علوی  ءَ علامہ  اقبال  اوپن  یونیورسٹی    ءِ اوپن  ڈسٹنس لرننگ  پروگرام آنی  کد ءُ بالاد  ءُ  رسائی ءَ را گیش  ودینگ  ءُ نودربر آنی  داخلہ آنی تہ ءَ   گیشی ءِ  واستہ جتا جتائیں  زانشتی شوبگ آنی تہ ءَ   سکھگ ءِ  جوانیں  کاررپک  وتی کنگ ءِ  ھوالگ ءَ زور پر دات  ءُ  گوشت کہ  نودربر آناں مارکیٹ ءِ لوٹ  ءِ رد ءَ  زانشت   سکھارینگ بہ بیت،  ایشی ءَ  چہ  آوانی کیرئیر ءَ را  دیمروئی رسیت۔  اے ھیالانی درشانی آئی ءَ چار شمبے ءِ روچ ءَ  ادا   ایوان ءِ صدر ءَ علامہ اقبال  اوپن  یونیورسٹی  ءِ ھوالگ ءَ فالو  اپ  بریفنگ     دیوان ءِ  سروکی ءَ کنان ءَ کت۔  اے  دیوان ءِ تہ  ءَ   علامہ اقبال  اوپن  یونیورسٹی ءِ وائس چانسلر  پروفیسر ڈاسکٹر ضیاء القیوم ، ڈین  پروفیسر  ڈاکٹر  ناصر محمود،   یونیورسٹی  ءِ کلانہ ایں  کارندہ، ہائیر  ایجوکیشن  کمیشن  ءُ وزارت ءِ  بنجاھی وانگ ءُ زانگ   ءُ کزبی کار  ءُ  ھیل کاری ءِ نماھندگ آں ھم  دیوان ءَ  بھر زوری کت۔