جاڑیں شہر راولپنڈی  اسلام آباد ءَ 75 می  آجوہی ءِ روچءِ  درگتءَ چن ء ُ لانچ گوں جوش ء ُ  جزبگءَ کنگ بوہگءَ اِنت،

اسلام آباد۔10اگست  (اے پی پی):جاڑیں شہر راولپنڈی  اسلام آباد ءَ 75 می  آجوہی ءِ روچءِ  درگتءَ چن ء ُ لانچ گوں جوش ء ُ  جزبگءَ کنگ بوہگءَ اِنت، بازار ءُ مارکیٹاں  سٹال جنگ  بوتگ اَنت  کہ مردم راج بیرک بیج ءُ سٹیکرز بہا کنگ ءَ اَنت۔ کسانیں زھگانی ھاترءَ  آجوہی ءِ روچءِ مراگش ءِ درگت ءَ پُچ ء ُ پوشاک ء ُ ورناہ آنی ھاترءَ  پُچ ء ُ پوشاک ہم ہمیں سٹالانی سرءَ بہا   کنگ بوہگ اَنت، ہمک نیمگ ءَ  سبز ءُ  اسپیتیں  بیرک ءِ بہار اَتکگ، دکان لوگء ُ گاڑیانی سرءَ راج بیراک  جنگ بوہگءَ اَنت، وہدے کہ ورناہ آں وتی وتی موٹرسائیکل آنی سرءَ  ہم راج بیرک جتگ۔ چارشمبے ءِ روچءَ "اے پی پی ” ءِ سروے ءِ ردءَ بازیں دمگ، دمک  ء ُ دمگ، کشک ء  ُ ماڑی ء ُ ایندگہ ہندءُ دمگاناں  گوں ڈولداری ءَ  سمبائینگ بوتگ۔ حاس کسانیں زھگ آجوہی ءِ روچءَ گوازیگ ءِ ھاترءَ  جوشء  ُ جزبگ ءِ درشانی ءَ کنگءَ اَنت ۔ ایشی ءَ ابید یات کنگ بہ بیت کہ حکومت ء ُ بازیں سرکاری ء  ُ  نجی ادارگ ہمک سال 14 اگست ءَ وتی کارگس ، ماڑی ءُ  دگانی سرءَ بیر ک جناں۔ وہدے کہ شہری ہم وتی دمگ، شاہ دگ ء ُ حاسیں ہندء ُ دمگاں  پاکستانی بیرک ء ُ ایندگہ روژنائی ءَ چہ سمبائیناں۔ سٹالانی سرءَ سھب ءَ بہ گر تاں  آجوہی ءِ روچءَ  سامان بہاگرگ ءِ ھاترءَ رش بیت ء ُ راجی سوت ہم جنگ بیت۔  اے رند ءَ بازیں مارکیٹاں پاکستانی بیرک ءِ تھیم ءِ سرءَ جوڑ بوتگیں  نوک نوکیں سمبائینگی سامان ایر اَنت،  کہ آیانی تہ ءَ   بازیں  سائز ء  ُ ہرچ وڑیں  راجی بیرک ،  بیجز  ، سبزءُ اسپیتیں رنگ ءِ  کُلا ، منگالیک، سبز ء ُ اسپیتں چمشک، فیس پینٹنگ ء ُ ہمیں وڑیں  ایندگہ سمبائینگی سامان ہوار اَنت۔ یک نامداریں پوشاک برانڈے ءَ اے ہوالگ ءَ چہ ریڈی شرٹس ءِ  گوما آجوہی ءِ روچءِ ہوالگءَ نوکیں  ترزءِ لیڈیز جیولری ہم جوڑ کتگ۔