کتاب مئے میراث اَنت، کتاب وانگ ءَ  را گیش کنگ وہد ءِ حاسیں لوٹ اِت، پہ اے ھاترءَ مارا شمارا وتی کرد پیلو کنگ لوٹ ایت، حال ء ُ اھیوال کاری ءُ شنگکاری ءِ بنجاہی وزیر سیکرٹری شاہیرہ شاہد ءِ مراگش ءَ گوں تران

اسلام آباد۔10اگست  (اے پی پی): حال ءُ اھیوال کاری ءُ شنگکاری ءِ بنجاہی سیکرٹری شاہیرہ شاہد ءَ گشتگ کہ  کتاب مئے مراث اَنت، اے ڈلگ چار کنگ نہ بنت، کتاب وانگ ءَ را گیش کنگ وہد ءِ لوٹ اِنت، پہ اے ھاترءَ مارا شمار ا وتی کرد پیلو کنگ لوٹ ایت۔ اے ھیالانی درشانی آئی ءَ چارشمبے ءِ روچءَ انفارمیشن  سروس اکیڈمی ء ُ ڈائریکٹوریٹ آف الیکٹرانک میڈیا  اینڈ پبلی کیشنز ءِ چیردستی ءَ  (لبزانکی کتاب میڑہ ) ءِ مراگش ءَ گوں تران کنان ءَ کتگ۔  حال ء ُ اھیوال کاری ءِ بنجاہی سیکرٹری ءَگشتگ کہ پاکستان ءِ 75 می  بوتن روچ ءَ را سرجم ءَ گوازینگ بیت۔ حال ء ُ ا ھیوال  کاری ء ُ  شنگکاری ءِ وزارت ءِ درائیں ادارگ   وتی وتی کرد ءَ پیلو کنگءَ اَنت۔ آئی ءَ گشتگ کہ کتاب میڑہ ءِ بُنگیج کنگ ءِ مول ءُ مراد مردماناں کتاب  وانگءِ نیمگ ءَ برگ اِنت۔  ما کتاب وانگ ءِ نیمگءَ مردمانی   ھدوناکی ءِ تہا گیشی کنگ لوٹاں۔ آئی ءَ گشتگ کہ  مارا اے گپ ءَ را پدر کنگ اِنت کہ کتاب مئے میراث اِنت، اے ڈلگ چار کنگ نہ بیت، وتی گوستءِ  گوما بندوک بوہگ باز المی اِنت۔ آئی ءَ گشتگ کہ کتاب میڑہ ءِ بُنگیج  کنگ ءَ  "مسٹر بکس ” ءِ کوشستاناں ساڑاتگ۔ آئی ءَ گشتگ کہ مئے کوشست بیت کہ اے کتاب میڑہ ءَ چہ مردم گیشاں چہ گیش پائدگ چست  بہ کن اَنت۔ حال ءُ اھیوال کاری ءُ  شنگکاری ءِ بنجاہی سیکرٹری ءَ گشتگ کہ  پاکستان ءِ 75 می بوتن ر وچ ءِ  موہ ءَ ڈیجیٹل فوٹو گرافی ءِ  نماش ءِ بُنگیج کنگ بوہگءَ اِنت کہ آئی ءِ تہ ءَ پاکستان ءِ 75 سالی راج دپتر ءَ را ڈیجیٹل ترز ءَ پیش دارگ بیت۔  آئی ءَ گشتگ کہ پی ٹی وی ء ُ پاکستان  براڈ کاسٹنگ کارپوریشن ءَ وتی  کونیں  ازمکاراناں ساڑاہگ ءِ ھاترءَ مراگش ءِ  ءِ بندوبست  کتگ۔ بنجاہی سیکرٹری ءَ گشتگ کہ ما  راج سوت ء ِ جدید ترز ءَ  ری ریکارڈنگ کتگ کہ آئی ءِ بُنگیج ءَ مزن وزیر 14 اگست ءَ کنت۔ آئی ءَ گشتگ کہ راجی سوت ءِ لبزانی تہ ءَ ایچ وڑیں مٹء ُ بدلی کنگ نابوتگ تنا آئی ءِ ریکارڈنگ ءِ تہا نوکی آرگ بوتگ۔ ما راج ءَ را  75 می بوتن روچءَ راجی سوت ءِ  سوگاتءَ پیش کناں۔ اے مو ہ ءَ آئی ءَ مراگش ءِ باسکء ُ بانک ءِ شکرء ُ منت گپتگ۔ مراگش ءَ گوں ڈائریکٹر جنرل انفارمیشن سروس اکیڈمی   ءَ تران کتگء ُ  کتاب وانگ ءِ ارزشت ءِ سرءَ چمشانک داتگ۔ مراگش ءَ ڈائریکٹوریٹ آف الیکٹرانک میڈیا  اینڈ پبلی کیشنز ءِ ڈائریکٹر جنرال عمرانہ وزیر، ایگزیکٹو ڈائریکٹر اے پی پی عدیلہ رباب کاظمی ،وزارت اطلاعات و نشریات ء ُ آئی ءِ چیردستیں ادارگانی حکام ہم ہوار بوتگ اَنت۔