حضرت امام حسین ؓ  ءِ شہیادت پہ امت مسلمہ ءِ ھاترءَ یک مزنیں  درس اِت، مزن وزیر محمد شہباز شریف ءِ عاشورہ ءِ روچءِ موہ ءَ کلوہ

اسلام آباد۔9اگست  (اے پی پی): مزن وزیر محمد شہباز شریف ءَ گشتگ کہ  حضرت امام حسین ؓ  ء ِ شہادت مئے امت مسلمہ ءِ ھاترءَ یک عظیم درس اِت، مارا درساناں لوٹ ایت کہ آئیءِ شہادت ءِ سبب ءَ را وتی ھاترءَ  سکین جوڑ بہ کناںء ُ حک ءِ  مز نی ءِ ھاترءَ ہرچ وڑیں چکاس ء َ گوں  بہادری ءَ دیم پہ دیم بہ باں ، اے وہد ءَ مئے ملک نازرکیں  جاورھالے ءَ سراِنت، مئے ھاترءَ اے وڑیں جوش ء ُ جزبگ ء ُ  راست گوشگ ءِ ارزشت گیش بیت۔ اے ھاترءَ ملک ءَ را اے جیڑہ ء ُ  جنجالا ں چہ درکنگ ءِ ھاترءَ مارا صبر ءُ ہمت ء ُ یکوئی ءِ درشانی کنگ لوٹ ایت۔ مزن وزیر کارگس  میڈیا ونگ ءَ چہ جاری عاشورہ ءِ روچ 1444/2022ہجری ءِ موہ ءَ  راج ءِ نام ءَ وتی  کلوہ ءِ تہا مزن وزیر ءَ گشتگ کہ  عا  شور ہ ءِ  روچ  حک  ءُ باطل ءِ  نیا مءَ  جنگ ءِ یات ءَ گیج ایت۔  وہدے  سیدنا امام حسین رضی اللہ تعالی عنہ ءِ  سروکی ءَ آئی ءِ  گل ءَ  ایمانی جوش ء ُ جزبگ ءَ گوں   ناحک ءِ سروکی منگءَ مکن کتگ ء ُ تاں قیامت  بہادری ، جوش ء ُ جزبگ ءِ  چیدگ جوڑ بوتگ اَنت۔  آئی ءَ گشتگ کہ  حضرت امام حسین ؓ  ءِ شہادت امت مسلمہ ءِ ھاترءَ یک عظیمیں  درس اِت۔  مارا درساناں لوٹ ایت کہ  آئیءِ  شہادت ءِ سبب ءَ  را  وتی ھاترءَ  روژنائیں کشک جوڑ بہ کن اَنت ء ُ حک ءُ راستی ءِ ھاترءَ ہرچ وڑیں چکاس ءِ گوں بہادری ء  ُ جوش ء ُ جزبگءَ  دیم پہ دیمی بہ کناں۔  مزن  وزیر ءَ گشتگ کہ اے وہدءَ مئے ملک نازرکیں جاورھالے ءَ گوں دوچار اِنت ،  مارا ہمیں جوش ء ُ جزبگ ء ُ جوان مردی ء ُ  راستی ءَ  را وتی کنگ لوٹ ایت۔  ہمے ھاترءَ ملک ءَ ا اے جیڑہ ء ُ  جنجالاں چہ  در کنگ ءِ ھاترءَ مارا صبر، ہمت ء ُ یکوئی ءِ درشانی کنگ لوٹ ایت۔ اللہ تعالیٰ ءَ چہ دعالوٹاں کہ مارا اسوہ امام حسین ءِ رندگیری کنگ ءِ  واک ءَ   بہ دنت۔ پاکستان ء ُ  پاکستانی راج ءَ را وشھالی ء ُ دیمروئی  بہ دنت۔