حضرت امام  حسین ؓ   ءِ عظیمیں قربانی پہ مئے ھاتر روژنائیں  راہ اَنت،  ملک مستر ڈاکٹر علوی ءِ عاشورہ ءِ روچ ءِ درگت ءَ  کلوہ

اسلام آباد۔9اگست  (اے پی پی):ملک مستر ڈاکٹر عارف علوی   ءَ گشتگ کہ حضرت امام  حسین ؓ  کی ء ِ عظمیں قربانی پہ  مئے ھاترءَ روژ نائیں کشک اَنت  ءُ ایشی ءِتہا مئے ھاترءَ کلوہ اَست کہ زلم ء ُ  ناحکیں نظام ءِ حلاپ ءَ حق ء ُ راستی ءِ ہمراہ داری کنگ اِنت، امّتِ مسلمہ ءَ را  حک ءُ راستی ء ُ دین ءِ  رکینگ ءِ ھاترءَ  اوشتاتگ لوٹ ایت۔ عاشورہ ءِ روچ ءِ موہ ءِ کلوہ ءِ تہا ملک مسترءَ گشتگ کہ  اسلامی راج دپتر ءِ تہا محرم الحرام شرپ ء ُ  عزت ء ُ  فضلیت ءِ ماہ اِت، اے ماہ  ءَ اسلامی راج دپترء  ھاسیں واقعہ بوتگ اَنت، عاشورہ ءِ روچ بزاں 10 محرم الحرام ءِ روچ   ہم  امت مسلمہ ءِ  نزیک ء َ باز ارزشت داریت۔ آئی ءَ گشتگ کہ مرچیگیں روچءَ حضرت امام حسین ؓ ءَ یک ناحکیں  حکمرانے ءِ سروکی نامن اِتگ ء ُ دین ءِ مزنی  ء ُ حک ء ُ راستی ءِ ھاترءَ  گوں وتی ھاندان  ء ُ گوں وتی ہمراہ آں شہید بوتگ، رسول ؐ ءِ نماسک ءَ کربلا ءِ تپسیتگیں  میدان ءَ حک ءِ ھاترءَ و تی سر داتگ بلے ناحک ءِ دیما سر جہل نہ کتگ۔ ملک مستر ءَ گشگ کہ مرچیگیں روچ ءَ حضرت امام حسین ؓ ، آئی ءِ ھاندان  ء ُ آئی ءِ جان ندر کنوکیں ہمراہ آں  پہ بہادری ء ُ قربانی ءِ   بے مٹیں درور جوڑ کتگ ء ُ وتی ھوناں چہ  اسلام ءَ را یک نوکیں زندے داتگ۔ ملک مسترءَ گشتگ کہ مہ  اللہ ءِ دین ، سنت نبویؐ ء ُ اسوہ حضرت امام حسین ؓ ءِ  رندگیری  ء َ کناں  گڑا الما اللہ تعالیٰ ءِ کمک  مارا گون بیت ء ُ مہ دنیا ء ُ آخرت ءَ ہم سوبمند بنت، ملک مسترءَ دعوت داتگ کہ بیا ات ما مرچیگیں روچءَ  جزم کنیں کہ ما اسوۂ ِ امام حسین ؓ   ءِ  رندگیری کنگ ءِ سرجمیں کوشست ءَ کناں ء ُ ندر بوہگء ِ جزبگ ءَ داریں ء ُ حاس ہما کہ سیلاپ ءِ آماچ اَنت آیانی ازمت ءَ کنیں ، منی دعا اِنت کہ اللہ تعالیٰ مئے ملک ءَ را دیم روئی بہ دنتء ُ وشھال بہ کنت ء  ُ مارا چہ درائیں بلاء ُبداں چہ بہ رکین ایت۔