اسلام آباد۔9اگست (اے پی پی):چیئرمین سینیٹ محمد صادق سنجرانی ءَ شمالی وزیرستان ءَ فوجی قافلہ ءِ سر ءَ ارش ءَ را سک باز مذمت گپتگ۔ سئے شمبے ءَ وتی بیان ءَ آئی ءَ سیکورٹی فورسز آنی شہید آنی درجگ آنی برز ءُ بلندی ءُ گمگیں ھاندان ءِ گوما سگ ءُ اوپار کشی ءِ دعا ءِ نیک کت۔ ملک ءِ واستہ وتی جان آنی قربان کنوکیں شہید آناں توسیپ ءُ ستا پیش کنان ءَ چیئرمین سینیٹ ءَ گوشت کہ ناشرکار ملک ءِ دیمروئی ءُ برجائی ءِ ھلاپ انت۔ آئی ءَ گوشت کہ ماتیں وطن ءِ دیمپانی ءَ مزن جگریں ورنا ءُ مھکمیں راج ءَ را لگوریں ناشرکار اچ رنگ ءَ پروش دات نہ کن اَنت، آئی ءَ گوشت کہ ملک ءِ اندر ءَ توامیں ناشرکار آناں چپ ءُ چاگرد کنگ بوھگ ءَ انت۔ آئی ءَ گوشت کہ زوت اے سلیں ھوپ سرجمیں ملک ءَ ھلاس کنگ بیت۔
