اقوام متحدہ۔ 28 اپریل (اے پی پی) اقوا م متحدہ نا کنڈآن جاری مروک آ رپورٹ اٹی پاننگانے کہ اوغانستان اٹی گدرینگوک آ 16سال آن جاری جنگ اٹی اینخو سال انا اولیکو سہ ماہی ٹی جم وڑاٹ شاری تا تپاخت آتا کچ اٹی معمولی کمتی اس واقع مسنے۔ رپورٹ نا رداٹ ولے ہندا وخت اٹی نیاڑی و چناتا تپاخت آتا کچ اٹی ودکی مسنے۔ دا رپورٹ اٹی دا ودکی نا سوب فضائی جلہو آتے پاننگانے۔ گدرینگوک آ سال انا اولیکو مسہ تواٹی فضائی جلہو آتیٹی سویلین تپاخت آتا کچ 29 مسوسس ولے اینخو سال انا ہندا وخت اٹی دُن انگا تپاخت آتا کچ 148 مس۔ اینخو سال انا اولیکو سہ ماہی ٹی 715 اوغان سویلین تپاخت کریر ہرا گدرینگوک آ سال انا ہندا وخت انا مقابلہ ٹی چار درسد کم ئِ ۔