کابل۔ 28 اپریل (اے پی پی) دے ٹکی اوغانستان اٹی اوغان فورس آک داعش نا 8 باسک آتے تپاخت کننگ نا داوا کرینو، ننگرہار اٹی سائیکل آ تخوکک بمب انا دھماکہ ٹی 15شاری ٹھپی مسر۔ اوغان میڈیا نا رداٹ کمامدارآک پاریر کہ تدوک آ دے ننگرہار نا ضلع بٹی کوٹ اٹی سائیکل آ تخوک بمب انا دھماکہ ٹی 15 شاری ٹھپی مسر ۔ دھماکہ حافظ کڈئی نا خڑک آ مس۔ داوخت اسکان ہچ ئُ رڑ یا تنظیم اس دا جلہو نا زمواری ئِ امنا کتنے۔ ننگرہار نا گورنر نا ترجمان عطاءاللہ خوگیانی پارے کہ تدوک آدے ننگر ہار نا ضلع آچین اٹی شدت پسند تنظیم داعش نا برخلاف کارروائی کننگا ہرافتے ٹی ڈغاری و فضائی جلہو آک اوار ئُ۔ اوپاریر کہ دا کارروائی تیٹی شدت پسند تنظیم داعش نا 8 جنگوڑو تپاخت کریر۔ اوغان فورس آک نیامی صوبہ میدان وردگ اٹی اسہ کارروائی اسے ٹی طالبان نا اہم کمکار ملا حبیب اللہ ئِ تپاخت کننگ نا داوا کرینو۔ کمامدارآتا رداٹ ملا حبیب اللہ علاقہ ٹی خودکش جلہو آتا چاروکی آ سلوک ئس۔