واشنگٹن۔ 28 اپریل (اے پی پی) امریکہ نا محکمہ دفاع پک کرینے کہ اوغانستان اٹی شدت پسند تنظیم داعش نا برخلاف اسہ کارروائی اسے ٹی 2امریکی فوجی تپاخت و اسٹ اس ٹھپی مسنے۔ برطانوی نشریاتی ادارہ نا رداٹ پینٹا گون نا ترجمان کیپٹن جیف ڈیوس نا پاننگ ئس کہ فوجی کارندہ صوبہ ننگر ہار اٹی جنگ اٹی خلنگا۔ پینٹا گون نا رداٹ دافوجی کارروائی اوغان نیشنل ڈیفنس و سیکورٹی فورس آتا اواری اٹ کننگاسس۔ محکمہ دفاع نا رداٹ تپاخت کروک آ فوجی تا خاہوت آتے دابارواٹی احوال تننگانے ولے اوفتا پن عارضی وڑاٹ ذرائع ابلاغ اٹی جاری کننگ تنے۔ یات سلے کہ امریکی فوجی اوغانستان اٹی شدت پسند تنظیم داعش نا دھڑے داعش خراسان نا برخلاف کارروائی کننگ ئِ ، داکان مست ہندا تو انا بناءٹی امریکی فوج انا اسٹاف سارجنٹ مارک ڈی الینسر ہندا صوبہ ٹی خلنگاسس۔