ماسکو۔ 27 اپریل (اے پی پی) سعودی وزیر درئی کار عادل الجبیر ئَ گوشت کہ شامی صدر بشارالاسد ئِ اِچ سیاسی باندات نیست اِنت، آئی ئَ را روگ لوٹیت، عرب ھال رسانکی در آنی رد ئَ آئی ئَ اے گپ ماسکو ئَ وتی روسی ھمکار سر گئی لاروف ئَ گند ئُُ نند ئَ پد پریس کانفرنس ئَ گوشت اَنت۔ دوئیں درئی کارانی وزیر آں شام ئِ آیوکیں باندات ئِ بابت ئَ ھیال ریچی کنان ئَ گوشت۔ عادل الجبیر ئَ اھوالکاراں گوں تران کنان ئَ گوشت سعودی عرب نیامی رودراتک ئَ ایران ئِ دست مانجنی ئِ ھلاسی ئَ لوٹیت۔ آئی ئَ گوشت کہ روچ ئِ کمک ئَ چہ قزاخستان ئِ دارالحکومت آستانہ ئَ شام ایمن سول ئُُ تران ئِ بابت ئَ جوانیں دیمروئی ئِ درشان بوتگ۔ آئی ئِ گوشگ اَت کہ سول ئُُ تران ئِ بھر زوروکیں مردم آنی لڑ ئِ گیش دراج کنگ ئِ ضلورت نہ اِنت۔ یات دارگ بہ بیت کہ سعودی عرب ئُپ روس ئِ نیام ئَ شامی صدر بشار الاسد ئِ آیوکیں باندات ئِ ھوالگ ئَ ھلاپ دار آں۔
