چوہدری شجاعت ءَ وتی ممبر آنا ں ھما پنت ءُ شون جاڑی کتگ ھما عمران خان ءَ جاڑی کتگ انت،  بنجاھی وزیر  اھوالکاری  مریم اورنگزیب  ءِ فواد چوہدری  ءِ  بیان ءِ  پسو

اسلام آباد۔23جولائی  (اے پی پی): بنجاھی وزیر اھوالکاری   ءُ شنگ کاری مریم اورنگزیب ءَ گوشت کہ چوہدری  شجاعت   ءَ وتی ممبر آناں ھما پنت ءُ شون  جاڑی کتگ ھما عمران  کان ءَ جاڑی کتگ انت۔  عمران خان  ءِ  دھمکی ءُ  زاہ ءُ بد  ءَ چہ کانود  مٹ کنگ بوت نہ کنت، رولنگ  عمران صاحب ءِ حق ءَ بہ بیت کانود ءُ حمزہ شہباز  ءِ ھک ءَ  بہ بیت گڈا گیر کانودی، عمران صاحب  ءِ دروگ ، لچڈی ءُ  دو تل ءُ دو پوستی ملک ءَ را  تاوان پجارینگ ءَ اَنت۔  شمبے ءِ  روچ ءَ پی ٹی  آئی ءِ سروک  فواد چوہدری  ءِ بیان ءِ  پسو ءَ   درشان کنان ءَ  بنجاھی وزیر  اھوالکاری   ءَ گوشت کہ  ملک  ءِ چار  سال ءَ دیمروئی   بوھگ ءَ نہ بوتگ بلکینگ ءَ  چار سال ءَ  دیم پہ ڈکال ءَ روگ ءَ بوتگ۔  الس  ءِ روزگار   پچ گرگ بوتگ، ملک  معاشی ڈکال ءِ آماچ بوتگ۔ آئی ءَ چار سال ءَ   ملک  ءِ سر ءَ  بشریٰ گوگی کارٹلز مافیا ءِ  مستری بوتگ۔  بنجاھی وزیر اھوالکاری ءَ گوشت کہ حمزہ شہباز سپریم کورٹ ءِ  پیسلہ  ءِ  پد ءُ رندی  ءِ نتیجگ ءَ  سر وزیر گچین بوتگ، عمران خان  سپریم کورٹ ءَ  وتی پیسلہ ءَ ووٹ دیگ ءِ  مستری ایوک ءَ پارٹی ءِ سروک ءَ را  داتگ۔