فتنہ خان پاکستان  ءَ را  خانہ جنگی ءِ نیمگ ءَ  تیلانک کنگ ءَ انت،   ھما مردم  آمید گس ءَ را  ھراب گوشگ آواناں  سزا  بہ دیگ بہ بیت،   ھما کانود  مارا پد ءُ رند کنگی انت آ آواناں ھم پد ءُ رند کنگی انت،  ن لیگی سروک عابد شیر علی  ءِ میڈیا  ءَ  را تران

فیصل آباد۔23جولائی  (اے پی پی):مسلم لیگ(ن)  ءِ بنجاھی  وزیر چوہدری عابد شیر  علی ءَ گوشت کہ  فتنہ  خان پاکستان ءَ را خانہ جنگی ءِ نیمگ ءَ  تیلانک داتگ پمے ھاترا  ھما مردم  آمید گس ءَ   ھراب  گوشنت آئی ءَ گوں ترندی  کنگ بہ بیت بلکینگ ءَ مئے چیف جسٹس  ءَ گوں دستبندی انت  کہ  ھما کانود مئے  سر ءَ لاگو بنت آئی ءِ سر ءَ  لاگو بہ بنت۔  شمبے ءِ روچ ءَ  وتی لوگ  کشمیر گس فیصل آبادءَ یک پریس کانفرنس ءَگوں تران کنان آئی ءَ گشتگ  کہ ہرچ مردم کہ آمید گس ءَ را بد ء ُ رد کن اَنت آیاں دزگیر کنگ المی اِنت چیا کہ راج  پیسر ءَ چہ دلپروشی ءِ  آماچ اِنت پہ  ہمے ھاترءَ اللہ ءِ نام  ءَ ایشاناں گیش تکانسر مکن اِت۔  آئی ءَ گشتگ کہ نواز شریف ءِ لوگی ءِ نادراہی ءُ آئی  وتی نادراہی ءِ تماشہ کتگ  بوتگ بلے نواز شریف ءَ   کدی ہم آمید گس ءِ فیصلہ آنی سرءَ گپ نہ کتگ۔ عابد شیر علی ءَ گشتگ  کہ کے پی کے ءَ نادرا ہ  جاہ  آنی تت آنی سرءَ آپ تچگ ءَ اَنت ء ُ امیچو کہ عمرانی دور ءَ  کے پی کے ءَ را وام دار کنگ بوتگ راجدپتر ءِ تہا ایشی ءِ ایچ درور نیست۔ آئی ءَ گشتگ کہ عمران خان ءَ ڈالر ءِ  نیاد ءِ تہا گیشی ءِ بنیات ایر کتگ کہ ایشی ءَ چہ گران نیادی ءِ  توپان اَتکگ۔ آئی ءَ گشتگ کہ نواز شریف ءِ حکومت ءَ را تنا بچ ءَ چہ پگار گرگ ءَ درکنگ بوتگ بلے آئی ءَ کدی آمید گس ءَ را بد ء ُ رد نہ کتگ۔ پیسرگیں  بنجاہی وزیر ءَ گشتگ کہ عمران خان ورناہیں نسل ءَ را  بدراہ کنگ ءَ اِنت  آ اے گامگیج ءَ چہ دارگ لوٹ ایت تنکہ ملک ءَ را  یک   مزنیں نقصانے ءَ چہ رکینگ بہ بیت۔