راولپنڈی۔23جولائی (اے پی پی):چیف آف آرمی سٹاف جنرل قمر جاوید باجوہ ءَ لاہور ءِ ترء ُ تا ب کتگ ء ُ اولی چیف آف آرمی سٹاف نیشنل انٹر کلب ہاکی چیمپئن شپ 2022 ءِ فائنل میچ چاراِتگ۔ شمبےءِ روچءَ پاک فوج ءِ تعلقداری پڑ ( آئی ایس پی آر) ءِ ردءَ ایونٹ ءِ تہا بازیں ہاکی لیجنڈ ء ُ اولمپئنز آں راجی لیب ءِ بحالی ءَ پہ کمک ء ِ ھاترءَ میچ چاراِگ ء ُ پاک فوج ء ُ پاکستان ہاکی فیڈریشن ءِ سرجمیں پاکستان ءَ چہ لیبی آنی ٹیلنٹ ہنٹ ءَ را ساڑاتگ۔ فائنل میچ لاہور ءُ ملیر ہاکی کلبز ءِ نیام ءَ لیب کنگ بوتگ۔ رانا ظہیر ہاکی کلب لاہور ءَ یوتھ ہاکی کلب ملیر کراچی ءَ را پروش داتگ۔ حاسیں مہمان چیف آف آرمی سٹاف جنرل قمر جاوید باجو ءَ ٹیم آناں چیمپئنز ٹرافی ءِ گوما میڈلز ہم داتگ۔ باج برتگیں ٹیم ءِ جوانیں لیبی، جوانیں گول کیپر، درستاں چہ گیش گول کنوکیں لیبی ، ڈیفنڈر ء ُ جوانیں فارورڈ لیبی آناں داد ہم داتگ۔ چیف آف آرمی سٹاف ءَ پاکستان ءِ دور ء ُ دراجیں دمگانی کلب آنی باسک ء ُ لیبی آں گوں گندء ُنند ہم کتگ تنکہ سرجمیں پاکستان ءَ لیبی آنی بحالی ء ُ ٹیلنٹ ہنٹ ءِ دلبڈی کنگ بہ بیت۔ چیمپئن شپ شپ ءِ بندات سرجمیں ملک ءَ چہ 72 ضلع ء ُ 28 ڈوژن آنی 718 کلب آنی گوما بوتگ کہ چار بہرآنی تہا بہر زورگ بوتگ کہ آیانی تہا ضلعی، ڈویژنل، صوبائی ء ُ راجی تک گڑی آسرءَ سر بوتگ۔
