اسلام آباد۔22جولائی (اے پی پی):سپیکر راجی اسمبلی راجہ پرویز اشرف ءَ گوشت کہ اوگانستا ءَ ایمنی ءُ برجائی پڑے ایمنی ءُ برجائی ءِ واستہ المی انت۔ ترکیہ استنبول ءَ رستگیں اھوال آنی رد ءَ پاکستان ، ترکیہ ءُ آزربائیجان ءِ سپیکر ءِ سئے پریکی دیدوان ترکی ءِ شہر استنبول ءَ برجم بوتگ۔ دیوان ءَ سپیکر راجی اسمبلی راجہ پرویز اشرف، ترکی ءِ گرینڈ نیشنل اسمبلی ءِ سپیکر مصطفیٰ سنتوپ ءُ آزربائیجان ءِ مجلس ملی ءِ سپیکر صاحبہ گفارووا ءَ ابید سئیں ملک آنی پارلمانی ڈل آں بھر زوری کت۔ دیوان ءِ شریکیں مردم آں گشتانک دیان ءَ ترکی ءِ گرینڈ نیشنل اسمبلی ءِ اسپیکر مصطفیٰ سنتوپ ءَ پاکستان ءِ راجی اسمبلی ءِ سپیکر راجہ پرویز اشرف ءُ آزربائیجان ءِمجلس ملی ءِ سپیکر صاحبہ گفارووا ءَ را وش اتک کنان ءَ دیوان ءَ بھر زوری ءِ پد ءَ شگر ءُ منت واری گپت۔
