اسلام آباد۔ 22 جولائی (اے پی پی) وزیراعظم شہباز شریف پاکستانی زالبول کوہ پیما ثمینہ بیگ ءِ دنیا نا ارٹ میکو بڑزکو ٹُل کے ٹو ءِ سرکننگ آ مبارکبادی ترسا پارینے کہ ثمینہ بیگ پاکستانی زالبول آتیکن عزم و ہمت و نرزوری نا نشان جوڑ مرسا مون آ بسنے۔ جمعہ نادے آ تینا ٹویٹ اٹی اوپارے کہ دنیا نا ارٹ میکو بڑزکو ٹُل کے ٹو ءِ سرکروک آ اولیکو زالبول کوہ پیما ثمینہ بیگ و اونا خاہوت ءِ سرسہبی آ مبارکباد پیش کینہ، ثمینہ بیگ پاکستانی زالبول آتیکن عزم و ہمت و نرزوری نا نشان جوڑ مرسا مون آ بسنے۔ اوپارے کہ ثمینہ بیگ پک کرے کہ پاکستانی زالبول کوہ پیمائی کون آ صبرآزما گوازی ٹی مچ آ دنیا نا نرینہ غاتیان پدی افس۔ اومیت ظاہر کرے کہ ثمینہ بیگ دنیا ٹی پاکستان نا بیرک ءِ ہندا جوزہ اٹ چست کرسا کیک۔
