اسلام آباد۔ 22 جولائی (اے پی پی) وزیرخارجہ بلاول بھٹو زرداری جمعہ نادے آ راولپنڈی نا نورخان ایئر بیس آ قندھار کن ہلہلہ ئی کمکی امداد نا کھیپ اس روانہ کننگ نا دود اٹی بشخ ہلک۔ دفترخارجہ نا کنڈآن جاری بیان نا رداٹ اوغانستان نا الس کن ہلہلہ ئی کمکی گڑا گدریفنگ نا مسخت دے ٹکی اوغانستان اٹی طوفانی پِر تیٹی بروک آ نوکاپ اٹی زہمی تا کمک ءِ کننگ ءِ۔ داوخت آ وزیر خارجہ ہڑتوم آ ملک آتا الس نا نیام اٹ برادرانہ تعلقداری تے تالان کرسا اوغان الس کن امدا د و کمکی سرجزآتے برجا تخنگ نا پاکستان نا عزم انا درشانی ءِ کرے۔ اوپارے کہ پاکستان نا حکومت و الس مشکل نا داساہت اٹی اوغان قوم اتون سلوک ءُ۔ وزیرخارجہ پارے کہ پاکستان اوغانستان تون تینا تعلقداری تے اہمیت ایتک۔ وزیرخارجہ بلاول بھٹو زرداری دا ہیت آ زورشاغا کہ ہڑتوم آ ملک آک اسہ آسان واپار و ٹرانزٹ نظام اس جوڑ کننگ و رابطہ غاتے ودفنگ اٹ لگوک ءُ۔ دود اٹی اوغانستان نا سفارت خانہ نا ناظم الامور ، چیئرمین این ڈی ایم اے و وزارت خارجہ نا بڑزکو کمامدار آک بشخ ہلکر۔
