اسلام آباد۔ 22 جولائی (اے پی پی) بنجائی وزیر حوالکاری و شینکاری مریم اورنگزیب پارینے کہ پاکستان نا الس دُز، منافق ودروغ انا سیاست ءِ مسترد کرینے، عمران خان نا گچین کاری فریم ورک 2018، خیبرپختونخوا ، آزاد کشمیر، گلگت بلتستان ، سینیٹ و ڈسکہ الیکشن اٹ مون آ بسوسس، چار سال گچین کاری فریم ورک ہراڑے ئسک؟ ۔ جمعہ نادے آ فواد چوہدری نا بیان آ ردعمل نا درشانی ءِ کرسا اوپارے کہ عمران خان ملک اٹی سیاسی نزوری نا کمک اٹ زرگزرانی نزوری ودی کننگ خواہک۔ بنجائی وزیر حوالکاری پارے کہ پاکستان و اونا الس عمران، بشریٰ، گوگی مافیا و کارٹل آتا دُزی تا متحمل مننگ کتور۔ اوپارے کہ مسہ اپریل آ عمران خان اقتدار آن جتا مسنے۔ مریم اورنگزیب پارے کہ کرینگ و دھڑکو نا دیک ہنار، آرام کہ، باہ ءِ تو و کاریم کننگ کن ہلے۔
