اسلام آباد۔ 22 جولائی (اے پی پی) الیکشن کمیشن پی پی 7 آن پوسکن گچین مروک آ باسک راجہ صغیر احمد نا سرسہبی نا نوٹیفکیشن ءِ جاری کرے۔ جمعہ نادے آ الیکشن کمیشن نا کنڈآن مسلم لیگ ن نا اومیتدار و پوسکن گچین مروک آ باسک راجہ صغیر احمد نا سرسہبی نا نوٹیفکیشن ءِ جاری کننگا۔ الیکشن کمیشن نا کنڈآن جاری کروک نوٹیفکیشن نا رداٹ راجہ صغیر احمد پی پی 7 آن 17 جولائی آ مروک آ ضمنی گچین کاری ٹی 68 ہزار 912 وونٹ دوئی کرے وخت اس کہ پاکستان تحریک انصاف نا اومیتدار کرنل ریٹائرڈ شبیر اعوان 68 ہزار 863 وونٹ دوئی کرے۔ تحریک انصاف نا اومیتدار نا کنڈآن حلقہ ٹی دُوارہ گنتی نا ہائی کورٹ راولپنڈی بنچ اٹی جمع کرفوک آ درخواست ءِ الیکشن کمیشن آ گدریفنگا ہراڑآ الیکشن کمیشن پنچ شنبے نادے آ فیصلہ تس و اونا دا درخواست ءِ مسترد کننگا۔ اوکان پد جمعہ نادے آ اونا سرسہبی نا نوٹیفکیشن ءِ جاری کننگا۔
