وزارت قومی جان جوڑی نا نیوٹریشن نیشنل ایکشن پلان ءِ ودفنگ نا فیصلہ

اسلام آباد۔ 22 جولائی (اے پی پی) وزارت قومی جان جوڑی نیوٹریشن نیشنل ایکشن پلان ءِ ودفنگ نا فیصلہ کرینے۔ وزارت قومی جان جوڑی نا بیان نا رداٹ دا بابت وزارت نیشنل ہیلتھ سروسز ریگولیشنز اینڈ کوآرڈنیشن نا کنڈآن غٹ صوبہ و ایلو شریدار آتون سرجم سلابت نا چرجوئی نا بناءِ کننگانے تانکہ کشت وکشار، تعلیم، بے نظیر انکم سپورٹ پروگرام نا بشخ آتا شریداری اٹ نیوٹریشن نیشنل ایکشن پلان ءِ ودفنگ مرے۔ دابابت اقوام متحدہ نا ذیلی ادارہ یونیسیف ، ورلڈ فوڈ پروگرام ، فوڈ اینڈایگریکلچر آفس(ایف اے او ) و جہانی ادارہ جان جوڑی (ڈبلیو ایچ او ) صوبہ غاتا کمکاری ءِ کیرہ تانکہ نیوٹریشن نا نیشنل ایکشن پلان ءِ ودفسا اوڑآعملدرآمد ءِ پک کننگ مرے۔ دابابت این ایچ ایس آر سی نا کنڈآن سلابتی دیوان اس اڈتننگا۔ قومی وزارت جان جوڑی صوبہ غاتون اوار ایلو غٹ شریدار آتیان سلاہ بٹنگانے۔