سینیٹ نا قائمہ کمیٹی امور خارجہ نا دیوان 26 جولائی آ مریک

اسلام آباد۔ 22 جولائی (اے پی پی) سینیٹ نا قائمہ کمیٹی امور خارجہ نا دیوان 26 جولائی آمریک۔ سینیٹ سیکرٹریٹ نا رداٹ قائمہ کمیٹی امور خارجہ نا دیوان پارلیمنٹ ہاؤس اٹی مریک ہرانا کماشی ءِ کمیٹی نا چیئرمین سینیٹر فاروق ایچ نائیک کیک۔ وزیرخارجہ و سینیٹ اٹی اپوزیشن لیڈر آن بیدس کمیٹی نا باسک آک و تعلقدار کمامدارآک دیوان اٹی بشخ ہلیرہ۔ دیوان ءِ مقبوضہ کشمیر ناحالیت خاص وڑاٹ آرٹیکل 370 و A35نا چٹفنگ و ہندوانتہاپسند لیڈر آتا کنڈآن خواجہ نبی کریم صلی اللہ علیہ و آلہ وسلم نا شان اٹی گستاخانہ بیان تیان پد بھارت اٹی مسلمان تیان کروک آ ظلم و بیدادی نا ودوک آ واقعہ غاتا بارواٹ حوال تننگک۔ دیوان اٹی بشخ ہلوک آتے بھارتی عدالت نا کنڈآن کشمیری حریت راہشون محمد یاسین ملک ءِ اسہ فرضی مقدمہ سے ٹی سزا بنفنگ و اوڑتون زندان اٹی غیر انسانی سلوک ءِ بے نقاب کننگ کن حکومت پاکستان نا گام گیج آتا بارواٹ ہم حوال تننگک۔