ٹانک۔21جولائی (اے پی پی): مزن وزیر شہباز شریف ءِ پنت ءُ شون ءِ رد ءَ نیشنل ڈیزاسٹر اتھارٹی (این ڈی ایم اے) ءِ چیئرمین لیفٹیننٹ جنرل اختر نواز ءَ پنچ شمبے ءِ روچ ءَ ٹانک،ڈی آئی خان ءُ زر باری وزیرسٹان ءِ ضلع آنی تہ ءَ انوگیں زوتیں سیلاپ ءَ چہ بیران بوھویں مردم آنی ھاندان آناں دھ دھ لکھ کلدسار ءِ چیک بھر ءُ بانگ کنگ بوتگ۔ این ڈی ایم اے ءَ کمکی سامان ءَ چہ پُریں پنچ ٹرک ھم سیلاپ ءِ آماچیں مردم آناں بھر ءُ بانگ کنگ ءِ واستہ ضلعی انتظامیہ ءِ ھوالگ ءَ کتگ ایشانی تہ ءَ ورگ ءُ نوشگی سامان ، تمبو، کمبلی ءُ ایندگر المیں ایں سامان ھوار انت۔ اے موہ ءَ گوں گشتانک دیان ءَ چیئرمین این ڈی ایم اے ءَ گوشت کہ بنجاھی حکومت ءُ این ڈی ایم اے آزمائش ءِ وھد ءَ آماچیں مردم آنی گوما ھمگام ءَ اوشتاتگ۔ آئی ءَ گوشت کہ نیشنل ڈیزاسٹر منیجمنٹ اتھارٹی این ڈی ایم اے مزن وزیر ءِ پنت ءُ شون ءِ پد ءُ رندی ءَ کنان ءَ 500 آماچیں ھاندان آناں کمکی چیگ بھر ءُ بانگ کنگ ءَ انت۔ پاکستان موسمی مٹ ءُ بدلی ءِ آماچ بوھوکیں ملک آنی تہءَ ھوار بوتگ۔ مون سون ءُ زمین چنڈ ءِ دو ٹوھیں جیڈھ آنی گوما پاکستان کدرتی آپت آنی درستاں چہ مستریں آماچ بوھوکیں ملک آنی تہ ءَ دگنیا ءِ ھشتمی 8 نمبر ءِ ملک انت۔ آئی ءَ گوشت کہ محکمہ موسم زانتیں ادارگ ءِ رد ءَ 25 ءَ بگر تاں 30 درسد گیش ھور ءِ گمان کنگ بوتگ۔ ایشی ءَ چہ پد نیشنل ڈیزاسٹر منیجمنٹ اتھارٹی این ڈی ایم اے ءَ زوتیں پلان جوڑ کتگ ءُ صوبائی ، ضلعی ءُ ھندی تکءَ سیاسی داروکیں محکمہ آناں اے رد ءَ وتی وتی پلان جوڑ کنگ ءِ پنت ءُ شون کتگ۔ چیئرمین این ڈی ایم اے ءَ استیں سیلاپ ءَ چہ جانی ءُ مالی تاوان ءِ پد ءَ ڈکھ ءُ اپسوزی ءِ درشان کتگ۔ آئی ءَ سیلاپ ءَ چہ آماچیں مردم آنی کمک ءِوستہ بنجاھی ءُ صوبائی حکومت آنی گامگیج آناں ساڑات۔ آئی ءَ ڈپٹی کمشنر حمید اللہ خٹک ءِ سروکی ءَضلعی انتظامیہ ءَ سیلاپ ءِ ساھت کمک کار آناں ساڑات۔
