اسلام آباد۔21جولائی (اے پی پی):وزیر مملکت برائے ھزانگ ڈاکٹر عاشہ غوث سی ای او ٹوٹل پارکو پاکستان لمیٹڈ مہمت سیلپو گلو ءَ پنچ شمبے ءِ روچ ءَ ادا گند ءُ نند کت ءُ ٹیکس ءِ ھوالگ ءَ وتی جیڈھ آنی بابت ءَ سرپد کت۔ وزیر ءِ مملکت ءَ استیں حکومت ءِ اے جزم ءِ درشان کت کہ ملک ءَ جوانیں دیمروئی ءِ در جنگءِ واستہ کاروبار ءَ آسانی ءُ کاروباری برات آنی آسراتی ءِ ھوالگءَ جھلانکیں دلگوش دیگ بوھگ ءَ انت۔ تانکہ ملک ءَ یک شلیں در ملکیسرمایہکاری ایف ڈی آئی ءَ گیشی کنگ بہ بیت۔ آئی ءَ سی ای او ٹوٹل پارکو ءَ را اے جیڈھ آناں اولسرئی بنیات ءَگیوار کنگ ءِدل یکیمی کنائینتءُ سیادی داروکیں کارندہ آناں اے جیڈھ آنی گیواری ءِ وستہ المی ایں گامگیج کنگ ءِ پنت ءُ شون کت۔ مہمت سیلپو گلو ءَ اے جیڈھ آنی گیوار کنگءِ پد ءَ وزیر ءِ مملکت ءِشگر ءُ منت واری گپت۔
